Hér koma nokkrir eftirminnilegir kossar.
John Travolta hlaut mikla gagnrýni árið 2015 fyrir að koma óvænt aftan að Scarlett Johansson á Óskarsverðlaunahátíðinni og smella á hana kossi. Scarlett Johansson kom honum seinna til varnar og sagði kossinn hafa verið í góðu lagi.
Þessi ákafi koss Kim Kardasian og Kanye West á Grammy-hátíðinni árið 2015 vakti athygli enda var hann ansi ýktur og endaði með því að Kim stakk sér undan.
Angelina Jolie og bróðir hennar, James Haven, kysstust innilega á Óskarnum árið 2000 og allt fór á hliðina. Þessi koss gleymist seint.
Katie Holmes og Tom Cruise hentu í einn alvöru bíómyndakoss á rauða dreglinum árið 2005. Eðlilega.
Kossinn sem Jennifer Lawrence laumaði á Natalie Dormer árið 2015 er einn sá vandræðalegasti.
Leikkonan Sandra Bullock smellti skrýtnum koss á Meryl Streep á Critics’ Choice-hátíðinni árið 2010. Þremur árum síðar sagði Bullock að um einkahúmor þeirra á milli hefði verið að ræða.
Athugasemdir