Landsréttur liggur niðri
Landsréttur lagði niður störf um leið og niðurstaða Mannréttindadómstólsins varð ljós. Til viðbótar því máli sem nú þegar hefur verið dæmt í bíða 11 sambærileg mál úrlausnar fyrir dómstólnum. Það eru mál sem öll voru á borði þeirra fjögurra dómara sem ekki voru á meðal 15 hæfustu umsækjendanna.
Vilja fresta afplánun
Frá því Landsréttur tók til starfa í ársbyrjun 2018 hafa 832 mál verið afgreidd í Landsrétti. Einungis þau mál sem umræddir fjórir dómarar komu að eru vafa undirorpnir en nú þegar hafa borist beiðnir til Fangelsismálastofnunar um frestun afplánunar.
Hæstiréttur bregst við
Hæstiréttur Íslands brást við dómnum með því að spyrja alla aðila þeirra mála sem tekin voru fyrir af einhverjum þeirra fjögurra dómara sem voru ekki á 15 manna listanum hvort þeir muni í ljósi dóms Mannréttindadómstólsins fara fram á að dómur Landsréttar verði ómerktur.
Sjá einnig: Sigríður stígur tímabundið til hliðar – Dómi MDE verður áfrýjað
Athugasemdir