Meiri eftirspurn en framboð

Sala á raf­tækjum hefur marg­fald­ast síðan sam­komu­bannið tók gildi. „Það hefur verið met­sala hjá okkur og gríð­ar­lega mikil eft­ir­spurn. Lag­er­staða okkar hefur verið miklu lægri und­an­farið heldur en áður,“ segir Finnur Oddsson, for­stjóri Origo.

Finnur Oddsson, for­stjóri Origo, segir það sann­ar­lega hafa kostað svita og tár að við­halda lag­er­stöðu fyr­ir­tæk­is­ins und­an­farnar vikur og þannig hafi tek­ist að fyr­ir­byggja að ákveðnir vöru flokkar seld­ust upp hjá fyr­ir­tæk­inu.

„Það hefur verið met­sala hjá okkur og gríð­ar­lega mikil eft­ir­spurn. Lag­er­staða okkar hefur verið miklu lægri und­an­farið heldur en áður. Einkum í tölvum og tölvu­skjám. Fyrir páska kom hol­skefla og eft­ir­spurnin var meiri en fram­boðið,“ segir Finnur.

„Við eigum vélar og okkar birgjar senda okkur vörur. Það bjóst eng­inn við þess­ari eft­ir­spurn. Hjá okkur snýst þetta um að þjón­usta vel okkar við­skipta­vini og þannig höfum við keppst við að eiga alltaf til bún­að­inn sem þeir þurfa. Það hefur alveg kostað svita og mikla vinnu þar sem mitt góða fólk hefur staðið vakt­ina dag og nótt.“