Erfitt að standast skil með engar tekjur

Starf­semi og þjón­usta sem krefst mik­illar nálægðar milli fólks er óheimil á meðan sam­komu­bannið er í gildi. Þar undir falla hár­greiðslu­stofur, snyrti­stofur, nudd­stofur og önnur sam­bæri­leg starf­semi.

Harpa Ómars­dóttir hár­greiðslu­meist­ari rekur tvær hár­greiðslu­stofur á höf­uð­borg­ar­svæð­inu. Hún sagði í sam­tali við morg­un­þátt Rásar 1 og Rásar 2 í morgun að það væri erfitt að stand­ast skil á ýmsum kostn­aði þegar engar tekjur eru að koma inn í fyr­ir­tækið. Til dæmis þarf hún áfram að greiða starfs­fólki laun og borga húsa­leigu og önnur föst gjöld.

Harpa leigir út stóla til hár­greiðslu­fólks á stof­unum sínum. Hún segir erfitt að rukka fólk um stóla­leigu áfram þegar hún veit að það fólk er ekki með neinar tekjur.

Hún sagði stöð­una sem upp er komin vegna sam­komu­banns vera „skrýtna“. Harpa greindi frá því að hún og aðrir í hennar starfs­stétt vilja að rík­is­stjórnin stígi inn og komi fyr­ir­tækjum á borð við hár­greiðslu- og snyrti­stofur til aðstoðar. Hún benti á að úrræðið þar sem starfs­fólk er sett á hluta­bætur duga skammt fyrir fyr­ir­tæki sem eru ekki með neina inn­komu á meðan á sam­komu­bann­inu stendur. Harpa segir slík fyr­ir­tæki þurfa ann­ars konar aðstoð.