„Á tímum sem þessum er rík ástæða til að týna ekki gleðinni heldur finna leiðir til að sinna því sem við erum þakklát fyrir“

„Á tímum sem þessum er rík ástæða til að týna ekki gleð­inni heldur finna leiðir til að sinna því sem við erum þakk­lát fyrir og gefur líf­inu gildi. Þrátt fyrir að reglur hafi verið settar um sam­komur og nálægð­ar­tak­mark­anir þurfum við ekki að hætta að gera það sem okkur finnst skemmti­legt og njóta hvers­dags­ins. Við ættum einmitt að rækta félags­leg sam­skipti. Það er hægt að gera á ýmsan hátt ef ekki er hægt að hitt­ast, til dæmis með sím­tölum eða í gegnum Skype, Facetime eða önnur slík for­rit,“ segir Svandís Svav­ars­dóttir heil­brigð­is­ráð­herra í pistil sínum í Mannlíf.

Svandís gerir okkur vera að ganga í gegnum ótrú­lega tíma þar sem allt er breyt­ingum háð. Samfélög þjóða og dag­legt líf fólks um allan heim er litað af þeim áhrifum sem far­sóttin COVID-19 og við­brögð við henni hafa. Sam­komu­bann hefur tekið gildi hér­lendis, við þurfum að halda lág­marks­fjar­lægð milli fólks, skóla­hald er tak­markað og margir eru í sótt­kví eða ein­angrun.

Áhrifin á allt mannlífið eru gríðarleg

„Allur heim­ur­inn er í sömu sporum og stjórn­völd og vís­inda­fólk standa frammi fyrir risa­vöxnum áskor­unum um allan heim. Hér á Íslandi höfum við kosið að fara að ráðum okkar besta fólks, vís­inda­manna og Alþjóða heil­brigð­is­mála­stofn­un­ar­innar, þ.e. með því að greina, rekja, beita sótt­kví og ein­angrun og nú sam­komu­banni og tak­mörkun á skóla­haldi,“ segir Svandís og bætir að að áhrifin á allt mann­lífið eru gríð­ar­leg. „Við þurfum öll að venj­ast nýjum og breyttum hvers­dags­leika, að minnsta kosti í ein­hvern tíma. Á slíkum tímum er mik­il­vægt að við hlúum að okkur og and­legu hlið­inni, sam­tímis og við fylgjum fyr­ir­mælum varð­andi sótt­varnir.“

Eðlilegt að finna fyrir kvíða

„Þau sem ekki eru með áhættu-þætti fyrir alvar­lega sýk­ingu ættu að lifa sem eðli­leg­ustu lífi en ef veik­indi gera vart við sig að halda sig heima meðan þau ganga yfir,“ segir Svandís. „Þau sem eldri eru eða hafa und­ir­liggj­andi sjúk­dóma þurfa að gæta sér­stakrar var­úðar, og því þurfum við að muna að virða þær tak­mark­anir á umgengni sem aðrir setja sér og sínum.“

Svandís segir að það sé eðli­legt að finna fyrir kvíða á tímum sem þessum, en þau sem finna fyrir kvíða eða áhyggjum ættu að nýta sér streitu­los­andi aðferðir sem bjarg­ráð. „Það getur til dæmis verið hreyf­ing, lestur, að hlusta á tón­list eða hlað­vörp eða syngja, skapa tón­list eða list. Líka skiptir máli að vera vel upp­lýst og lesa réttar upp­lýs­ingar. Vefsíðan Covid. is hefur að geyma gagn­legar upp­lýs­ingar, svör við algengum spurn­ingum, töl­fræði og fleira og vef­síðan er upp­færð nær dag­lega. Við megum heldur ekki hætta við að leita okkur heil­brigð­is­þjón­ustu vegna ann­arra kvilla eða veik­inda en COVID-19, ef þörf er á.“

Að lokum minnir Svandís á mik­il­vægi þess að við förum að fyr­ir­mælum, þvoum okkur um hendur, sprittum og gætum að hrein­læti og verjum okkur og okkar við­kvæm­asta fólk. „Og pössum upp á hvert annað, tölum saman og verum góð hvert við annað. Við komumst í gegnum þetta saman.“