Opna eggja- og sæðisbanka á Íslandi

Livio Ísland, fyrsti form­legi eggja- og sæð­is­bank­inn á Íslandi verður opn­aður síðar í þessum mán­uði. Mark­miðið bank­ans er að auka mögu­leika barn­lausra para og ein­stak­linga á að eign­ast barn og stytta bið­ina eftir gjafa­eggi eða -sæði. Þetta kemur fram í til­kynn­ingu frá lækna­stof­unni Livio.

Livio Ísland er hluti af Livio sem er stærsta nor­ræna sam­steypan innan tækni­frjóvg­un­ar­með­ferða. Livio starfar á Íslandi, Svíþjóð og í Noregi. Í jan­úar 2019 stofn­aði Livio eigin eggja- og sæð­is­banka í Svíþjóð og nú er komið að Íslandi.

Helga Sól Ólafs­dóttir sem hefur 20 ára reynslu í mál­efnum sem varða gjafa­kyn­frumur mun bera ábyrgð á starf­sem­inni á Íslandi.

Í til­kynn­ingu Livio segir að eft­ir­spurn eftir eggjum og sæði hefur alltaf verið mun meiri en fram­boð og því hefur biðin hjá þeim sem þrá barn en þurfa á gjöf kyn­frumna að halda verið löng.

„Það er mik­ill skortur á gjöfum og því þurfa margir sjúk­lingar okkar að leita erlendis eftir með­ferð, með auknum kostn­aði og óör­yggi. Slíkar með­ferðir væri hægt að veita af öryggi og af háum gæðum á Íslandi. Markmið okkar er einnig að breyta við­horfi fólks til eggja- og sæð­is­gjafa,“ er haft eftir Monu Bungum, lækni og for­stjóra Livio Egg and Sperm bank.

Eggja- og sæð­is­banki Livio Ísland verður stað­settur hjá Livio Reykja­vík í Glæsibæ.