Þurfum svör strax en ekki eftir hálfan mánuð

Helga Vala Helga­dóttir þing­kona skilur ekk­ert í seina­gangi Svan­dísar Svav­ars­dóttur heil­brigð­is­ráð­herra þegar kemur að skipu­lagi sótt­varna­starfs í skólum og í íþrótta­starfi. Hún botnar ekk­ert í því að ráð­herra ætli ekki að kalla saman sam­ráðs­hóp vegna þess fyrr en eftir hálfan mánuð þegar aðgerða er þörf nú þegar.

„Það vakti óneit­an­lega undrun mína að heyra af því í hádeg­is­fréttum að heil­brigð­is­ráð­herra ætli sér að kalla saman sam­ráðs­hóp til að vinna að við­brögðum vegna Covid 19 þann 20 ágúst nk, eða eftir hálfan mánuð! Í dag er staðan þessi að smitum fjölgar umtals­vert, starf á öllum skóla­stigum sem á að hefj­ast eftir rúman hálfan mánuð er í óvissu, íþrótta­starf iðk­enda eldri en 15 ára í upp­námi, menn­ing­arstarf sömu­leiðis en ráð­herra ætlar að halda fund eftir nokkrar vikur til að setj­ast niður og ræða hvernig á að und­ir­búa áfram­hald­andi við­brögð,“ segir Helga Vala.

Helga Vala, sem situr á þingi fyrir Sam­fylk­ing­una og gegnir stöðu for­manns vel­ferð­ar­nefndar Alþingis, ritar um þetta færslu á Facebook og seg­ist þar hafa átt fjar­fund með dóttur sinni sem stundar nám í banda­rískum háskóla. Það hafi komið henni á óvart að hvert ein­asta smá­at­riði skóla- og íþrótta­starfs þar í landi hafi legið fyrir á meðan íslenskir nem­endur og íþrótta­iðk­endur lifi í óvissu um fram­haldið. 

„Við vitum að veiran er alls­konar, en þarna er amk verið að vinna í því að koma eðli­legu lífi í gang eins mikið og mögu­legt er. Áfram þarf að bregð­ast við óvæntum upp­á­komum en það þarf að halda áfram dag­legu lífi, ekki satt? En hér bíður íþrótta­fólkið svara með það hvort þau fái að keppa bara núna um helg­ina, skól­arnir á öllum skóla­stigum bíða svara um hvernig þetta verður eftir hálfan mánuð og fjöl­skyldur um allt land bíða leið­bein­inga um haustið. Fyrst stjórn­völd telja málið ekki brýnna en svo að hópur verði kall­aður saman eftir hálfan mánuð er lík­lega best að íþrótta og skóla­fólk komi sér saman og smíði aðgerðir nú þegar. Það er ekki hægt að bíða fram­eftir vetri með slíkt, heldur þarf að koma sér að verki,“ segir Helga Vala.