„Gísli Rún­ar átti eng­an sinn líka“ – margir minnast hins þjóðþekkta leikara

„Stöðvið heim­inn, hér fer ég út,“ segir Kolbrún Hall­dórs­dóttir, for­maður Banda­lags íslenskra lista­manna, í minn­ing­ar­orðum um Gísla Rúnar Jónsson leik­ara sem jarð­sung­inn verður í dag. Hann lést á heim­ili sínu þriðju­dag­inn 28. júlí, 67 ára að aldri.

Kolbrún er ein margra sem minn­ast þessa þjóð­þekkta leik­ara með minn­ing­ar­orðum í Morg­un­blað­inu í dag. Hún segir kveðju­stund­ina erf­iða sem hafi komið skyndi­lega og óund­ir­búna. Glíma Gísla Rúnars við áskor­anir lífs­ins var snúin og loks kom að því að sand­ur­inn í tímaglas­inu rann út, tón­listin hljóðn­aði, heim­ur­inn stöðv­að­ist og Gísli Rúnar yfir­gaf vagn­inn. „Eft­ir sitj­um við og höld­um ferða­lag­inu áfram án hans, ylj­um okk­ur við lit­rík­ar minn­ing­arn­ar og í bak­grunni heyr­um við óminn af Smile eft­ir Charlie Chaplin,“ segir Kolbrún.

Kolbrún Hall­dórs­dóttir, leik­kona og leik­stjóri. Mynd/ skjá­skot Vísir

Magnús Geir Þórð­ar­son þjóð­leik­hús­stjóri segir að Gísli Rúnar hafi engan átt sinn líkan og að þjóðin eigi nú ógleym­an­legar minn­ingar um hann enda lit­ríkur og óborg­an­legur karakter. Leik­hús­stjór­inn segir að fram­lag leik­ar­ans til íslensks leik­hús­líf sé ómet­an­legt og fáist seint full­þakkað. „Gísli Rún­ar var séní og ástríðu­maður. Ástríðan fyr­ir leik­hús­inu og líf­inu var drif­kraft­ur­inn. Hon­um lá alltaf mikið á hjarta, hann gaf aldrei af­slátt. Alltaf skyldi farið alla leið. Hans er sárt saknað. Minn­ing­in um húm­orist­ann, séníið og ástríðu­mann­inn Gísla Rún­ar mun lifa um ókomna tíð. Sjálf­ur er ég full­ur þakk­læt­is fyr­ir vin­áttu, sam­starf og ógleym­an­leg­ar stund­ir sem ég átti með vini mín­um,“ segir Magnús Geir.

Mynd / Rakel Ósk Sig­urð­ar­dóttir

Fjöl­skylda Gísla Rúnars heit­ins ákvað að sjón­varp frá útför­inni vegna hertra sótt­varn­ar­reglna og fjölda­tak­mark­ana. Aðeins munu nán­ustu aðstand­endur og vinir koma saman í kirkj­unni en útför­inni verður sjón­varpað beint í Sjón­varpi Símans og streymt á net­inu. Gísli Rúnar verður jarð­sung­inn kl. 15 í dag. Fjöl­skyldan hvetur alla þá sem elsk­uðu þennan mikla lista­mann til að eiga fal­lega stund, kveikja á kertum og vera með  okkur í anda og fylgj­ast með jarð­ar­för­inni á net­inu.“