Frjáls eins og fuglinn

Fallegt hús­gagn sem á sér áhuga­verða sögu.

Hanging Egg Chair kom á markað árið 1959 og var hann­aður af Jørgen og Nönnu Ditzel, sem sést hér á mynd­inni.

Hanging Egg Chair kom á markað árið 1959 og var hann­aður af Nönnu og Jørgen Ditzel. Nanna var fædd árið 1923 í Kaup­manna­höfn. Hún lauk námi í hús­gagna­hönnun frá Kon­ung­legu aka­dem­í­unni í Kaup­manna­höfn árið 1946. Í skól­anum kynnt­ist hún Jørgen, sem einnig nam hús­gagna­hönnun og gengu þau í hjóna­band um sum­arið 1946. Síðar sama ár stofn­uðu þau eigin hönn­un­ar­stofu í Kaup­manna­höfn.

Samstarf þeirra var far­sælt og þau afköst­uðu miklu á árunum 1946-1961 eða allt þar til Jørgen lést skyndi­lega aðeins fer­tugur að aldri. Þau komu víða við á hönn­un­ar­ferl­inum en auk hús­gagna hönn­uðu þau textíl, vegg­fóður, skart­gripi og ýmsar heim­il­is­vörur líkt og gler­vörur. Eftir and­lát Jørgens hélt Nanna áfram með verk­efni sem þau hjónin höfðu tekið að sér.

Árið 1968 gift­ist hún svo hús­gagna­sal­anum Kurt Heide sem var búsettur í London og flutti Nanna hönn­un­ar­stofu sína til borg­ar­innar í kjöl­farið. Kurt og Nanna sam­ein­uðu svo krafta sína og stofn­uðu hús­gagna­fyr­ir­tækið Interspace sem fljót­lega varð heims­þekkt. Fyr­ir­tækið seldi mest­megnis ítölsk hús­gögn auk hús­gagna og textíls sem hann­aður var af Nönnu. Þrátt fyrir að vera búsett í London átti Nanna í sam­starfi við mörg þekkt og rót­gróin hönn­un­ar­hús í Danmörku þar á meðal Georg Jensen, Kvadrat og Brdr.Krüger. Árið 1984 ákváðu hjónin að selja Interspace þar sem þau hugð­ust fara á eft­ir­laun en ári síðar lést Kurt. Eftir nokkra umhugsun ákvað Nanna að flytja aftur til Dan­merkur en í stað þess að fara á eft­ir­laun opn­aði hún nýja hönn­un­ar­stofu í Kaup­manna­höfn sem hún starf­rækti allt þar til hún lést árið 2005.

Um hönn­un­ina sagði Nanna að hún hafi alltaf heill­ast af því sem svífur, líkt og fuglar, en það gefi til kynna ákveðið frelsi og var það lyk­il­hug­tak í hönn­un­ar­ferl­inu.

Efn­isvalið í Hanging Egg Chair end­ur­speglar tíð­ar­and­ann en mik­ill efn­is­skortur var til staðar eftir seinna stríð sem varð til þess að hönn­uðir þurftu að leita í auknum mæli í nærum­hverfi sitt. Grind stóls­ins er gerð úr áli en rattan (sef­gras) er fléttað utan um grind­ina. Setan er laus og ofin úr bóm­ull.

Um hönn­un­ina sagði Nanna að hún hafi alltaf heill­ast af því sem svífur, líkt og fuglar, en það gefi til kynna ákveðið frelsi og var það lyk­il­hug­tak í hönn­un­ar­ferl­inu. Einnig hafði hún það ávallt sem reglu að ein­skorða sig ekki við fyr­ir­fram ákveðnar hug­myndir heldur leyfði þeim að þró­ast óhindrað og þannig leiða hana áfram í hönn­un­ar­ferl­inu.

Árið 2013 hóf danski hús­gagna­fram­leið­and­inn Sika Design end­ur­fram­leiðslu á stólnum en fyr­ir­tækið á sér margra ára­tuga hefð í fram­leiðslu á hús­gögnum úr ratt­ani. Stólinn má bæði nota inn­an­dyra sem utan.

Myndir / Frá fram­leið­anda