Sauð upp hjá sauðfjárbændum – Úlfúð yfir þessari mynd: „Svona lagað er gersamlega óafsakanlegt“

Facebook-hóp­ur­inn Sauð­fjár­bændur er lík­lega meðal rólegri hópum lands­manna á sam­fé­lag­smiðum en und­an­tekn­ing frá þeirri reglu átti sér stað í gær. Allt ætl­aði um koll að keyra þegar Aldís nokkur deildi mynd af rollu og skrif­aði: „Mér finnst afskap­lega hvim­leitt þegar menn merkja ókunn­ugt fé hjá sér svona, fyrr má nú vera þetta er  algjör ósiður og skemmd á gærunni.“

Hún birti svo mynd­ina sem má sjá hér fyrir neðan en þar má sjá að búið er að spreyja sauð­kind skær­græna. Við­brögðin stóðu ekki á sér og fauk væg­ast sagt í flesta bændur. Tugir athuga­semda voru skrif­aðar við færsl­una innan skamms. Sauð­fjár­bændur höfðu orð á því að þetta væri rudda­skapur sem bæri að sekt. „Ef maður er með ókunn­ugt fé þá bara merkja hornin epa eitt­hvað svo­leiðis svo þú eyði­leggur ekki gæruna!,“ skrifar ein kona til að mynda.

Einn bóndi segir þetta full mikið. „Skelfi­legur ósiður að nota þetta sprey, litur í ull­inni jafn­vel mán­uðum saman. Fyrr má nú þekkja ókunn­ugt úr hópnum hjá sér.“ Annar virð­ist afsaka þessa hegðun. „Til­gang­ur­inn með að merkja ókunn­ugt er hver, annar en bölv­aður rata­skapur? And­skot­anum harð­ara að þekkja ekki ókunn­ugt úr hjá sér öðru­vísi en lita það í bak og fyrir,“ skrifar hann.

Bóndi nokkur, Rúnar að nafni, segir að birta eigi myndir af þeim sem gera þetta í Bænda­blað­inu. „Svona lagað er ger­sam­lega óaf­sak­an­legt og til skammar þeim sem fram­kvæma slíkt. Ætti að birta mynd af ger­endum í sér­stökum dálk í bænda­blað­inu,“ skrifar Rúnar. Þá segir annar bóndi: „Róa sig Rúnar minn.“ Því svarar Rúnar: „Úps, svona lætur maður ein­falda hluti stundum hreyfa við sér“

Einn bóndi segir best að þekkja bara sitt fé í sjón. „Mér hefur gef­ist það best að þekkja markið mitt og það fé sem ekki er markað því er ókunn­ugt. Þannig hef ég greini­lega sparað mér nokkra sprey­brús­ana,“ skrifar sá bóndi. Annar bóndi veltir þessu fyrir líka: „Er fólk hætt að þekkja mörkin sín hvað þá féð sitt.“

Fleiri kvarta undan þessu. „Svona sprey­gleði er alger­lega óaf­sak­an­leg og setur fyrst og fremst ljót­ann lit á þann sem henni beitir,“ skrifar einn meðan annar bóndi skrifar: „Algjör ósiður og maður á ekki rétt á að setja lit á ann­ara manna fé, bæði með mark og merki í flestum til­fellum. Svo sér­stakt að það megi ekki finna því stað í dilk eða kró. Ömulegt að sjá svona lagað.“