Skipstjóri Júlíusar látinn bera sökina: „Verður að axla ábyrgð“

Sveinn Arn­ars­son, skip­stjóri á Júlíusi Geir­munds­syni ÍS, er einn í skot­lín­unni vegna mis­tak­anna sem leiddu til þess að áhöfn hans veikt­ist af Covid 19 og þurfti að berj­ast við sjúk­dóm­inn á hafi úti. Stjórn Hrað­frysti­húss­ins Gunn­varar hefur lýst því við  vef Bæjarins besta að fyr­ir­tækið beri fullt traust til Einars Vals Krist­jáns­sonar fram­kvæmda­stjóra sem beðið  hefur áhöfn­ina afsök­unar á fram­ferðínu gegn þeim. Tekið er eftir því að skip­stjór­inn fær ekki slíka trausts­yf­ir­lýs­ingu frá útgerð sinni.

Samtök fyr­ir­tækja  í sjáv­ar­út­vegi hafa einnig varpað sök á skip­stjór­ann. Heiðrún Lind Mart­eins­dóttir fram­kvæmda­stjóri sendi frá sér yfir­lýs­ingu þar sem greina má for­dæm­ingu á Svein skip­stjóra fyrir að hafa ekki farið eftir lögum og reglum.

„Í til­felli Júlíusar Geir­munds­sonar var ekki farið eftir þessum leið­bein­ingum. Samkvæmt þeim hefði átt að hafa sam­band við Land­helg­is­gæsl­una þegar veik­inda varð vart og þar með hefði málið verið komið í réttan far­veg. Á þessum mis­bresti verða skip­stjóri og útgerð skips­ins að axla ábyrgð,“ skrifar Heiðrún.

Ljóst má vera að skip­stjór­inn getur varla starfað áfram með það á bak­inu að hafa brugð­ist bæði áhöfn sinni og útgerð. Sjálfur hefur Sveinn ekki viljað segja sína hlið á mál­inu og hve stór þáttur útgerð­ar­innar var í þeim röngu ákvörð­unum sem hann tók og leiddu til nær  alls­herj­arsmits um borð í skipi hans.

Ekki eru allir sam­mála um að Sveinn beri sök­ina einn. Hörð gagn­rýni hefur komið fram á útgerð Júlíusar vegna máls­ins og leitt að því getum að skip­stjór­inn hafi í raun farið að fyr­ir­mælum hennar.

Tveir skip­stjórar eru á Júlíusi og þeir skipta með sér skip­stjórn­inni.

Yfir­lýs­ing Heiðrúnar Lindar Mart­eins­dóttur í heild sinni:

Vegna COVID-19 smits um borð í frysti­skip­inu Júlíusi Geir­munds­syni er rétt að taka fram að ítar­legar leið­bein­ingar voru gefnar út á vor­dögum um hvernig bregð­ast skyldi við um borð í skipum ef ástæða var til að ætla að smit væri á meðal áhafn­ar­með­lima. Um borð í skipum er nánd mikil á milli manna og veik­indi geta hæg­lega borist út, eins og því miður sýndi sig í þessu til­felli. Af þeim sökum var sér­stak­lega mik­il­vægt að vera með skýrar leið­bein­ingar um bestu fram­kvæmd í þessum aðstæðum. Leið­bein­ing­arnar voru samdar sam­eig­in­lega af Samtökum fyr­ir­tækja í sjáv­ar­út­vegi og stétt­ar­fé­lögum sjó­manna, í góðu sam­starfi við emb­ætti land­læknis, og sendar á útgerðir.

Í til­felli Júlíusar Geir­munds­sonar var ekki farið eftir þessum leið­bein­ingum. Samkvæmt þeim hefði átt að hafa sam­band við Land­helg­is­gæsl­una þegar veik­inda varð vart og þar með hefði málið verið komið í réttan far­veg. Á þessum mis­bresti verða skip­stjóri og útgerð skips­ins að axla ábyrgð.

Mik­il­vægt er að sam­skipti útgerða og sjó­manna séu góð, sér­stak­lega þegar í hlut eiga frysti­skip sem eru lengi á sjó. Þetta mál hefur skaðað þessi sam­skipti. SFS hyggj­ast ræða málið við for­ystu­menn stétt­ar­fé­laga sjó­manna á næstu dögum. Mik­il­vægt er að greina hvað fór úrskeiðis og læra af því. Raunir þess­ara skip­verja á Júlíusi Geir­munds­syni mega ekki end­ur­taka sig á íslenskum skipum.

Heiðrún Lind Mart­eins­dóttir,
fram­kvæmda­stjóri SFS