Þór kennir „einkavæðingablæti“ Fjórflokksins um hópsmitið á Landakoti

Þór Saari kennir fjór­flokknum um að tólf týndu lífi í hópsmit­inu sem varð á Landa­koti í þriðju bylgju kór­ónu­veirunnar.

„Þetta gerð­ist vegna ára­tuga aðfarar fjár­mála­ráðu­neyt­is­ins (og þeirra rík­is­stjórna og þing­manna sem að baki því standa) að kjörum heil­brigð­is­stétta og vegna heimsku­legu­l­egs einka­væð­inga­blætis gagn­vart heil­brigð­is­þjón­ust­unni, þar liggur rót vand­ans“ segir Þór Saari í stöðu­upp­færslu á Facebook síðu sinni.

Þar vitnar Þór í frétt Stund­ar­innar þar sem rætt er við Mörtu Jóns­dóttur, for­mann hjúkr­un­ar­ráðs. Í grein­inni kemur fram að aðstæður í hús­næði Landa­kots­spít­ala og skortur á klínísku starfs­fólki hafi orðið til þess að tíð­rætt COVID-19 smit gat borist svo greitt á milli deilda og í sjúk­linga á öðrum deildum. Mönnun og kjör í kvenna­stéttum sé við­var­andi vanda­mál.

Þór segir ábyrgð­ina liggja á stjórn­mála­mönnum Fjór­flokks­ins und­an­farna tvo til þrjá ára­tugi „sem gáfust upp fyrir afli pen­inga og valda, misstu algjör­lega áttir, allir sem einn og gerðu hug­mynd­ina um „markað“ að guð­spjalli sem myndi bjarga öllu, án þess að hafa hug­mynd um hvað við var átt.“