Hjálmar kennir okkur að glíma við þá sem trúa ekki á Covid-bólusetningu: „Gangi okkur vel!“

Hjálmar Gíslason for­stjóri telur afar mik­il­vægt á næstu miss­erum að Íslend­ingar leið­ist ekki út í rifr­ildi vegna Covid-19 bólu­setn­ingar sem framundan er. Hann hvetjur net­verja til að hætta rök­ræðum og ein­blína á nærum­hverfi sitt í stað­inn.

Þetta gerir Hjálmar í færslu á Facebook. „Næstu mán­uði munu mörg okkar – því miður – þurfa að eiga sam­tal við fjöl­skyldu­með­lim, vin eða kunn­ingja sem hefur efa­semdir, eða jafn­vel sterka sann­fær­ingu gegn, bólu­setn­ingum við Covid-19. Það er gríð­ar­lega mik­il­vægt að nálg­ast þetta sam­tal á réttan hátt. Og slíkt krefst miklu meiri orku og und­ir­bún­ings frá okkur en við­mæl­anda okkar. Við ættum því líka að passa að velja „slag­ina“ og ein­beita okkur að fólk­inu sem stendur okkur nærri frekar en t.d. að drag­ast inn í umræður um slíkt við ókunn­uga á net­inu,“ segir Hjálmar og heldur áfram:

„Í þeim til­fellum sem við ákveðum að taka sam­talið, er mik­il­væg­ast af öllu að stökkva EKKI strax til og segja fólki að það hafi rangt fyrir sér, sé illa að sér eða óábyrgt. Þetta er erfitt (það þekki ég sjálfur og hef þegar fallið á því prófi). Fyrsta reglan – eins og með öll átaka­mál – er að hlusta á áhyggjur við­mæl­and­ans og svo sýna að við höfum heyrt það sem sagt var. Besta leiðin til þess er að end­ur­óma það sem sagt var og helst umorða þannig að það sé enn skýr­ara en áður og fá við­mæl­and­ann til að sam­sinna því að inn­tak­inu hafi verið náð. Þá fyrst getur sam­talið haf­ist í raun og veru. Gangi okkur vel!“