Víði fer versnandi og var kallaður inn á Covid-göngudeild

Víðir Reyn­is­son, yfir­lög­reglu­þjónna hjá almanna­varna­deild rík­is­lög­reglu­stjóra, var kall­aður inn á Covid-göngu­deild Land­spít­al­ans í morgun. Heilsu hans hefur því miður hrakað vegna Covid-19 og virð­ist veiran nú grass­era í lungum hans. Dagurinn í dag virð­ist sá versti hjá Víði síðan hann veikt­ist fyrir tíu dögum síðan.

Rögn­valdur Ólafsson. Mynd / Almanna­varnir.is

Rögn­valdur Ólafsson, aðstoð­ar­yf­ir­lög­reglu­þjónn hjá almanna­varna­deild­inni, var í sam­bandi við Víði núna í morg­unsárið. „Hann var sæmi­lega hress en með tölu­verðan hósta. Því miður sló honum niður og hann var kall­aður inn á göngu­deild í dag. Hann virð­ist vera einn af þeim óheppnu og honum líður ekki vel. Það er erfitt þegar þetta fer niður í lungun og súr­efn­is­mett­unin er ekki góð. Hann er kom­inn í gult ástand, grænt þýðir að göngu­deildin hefur ekki áhyggjur af þér. Núna vilja þeir skoða hann og sjá hvort þurfi að gera eitt­hvað meira fyrir hann,“ segir Rögn­valdur sem segir það þurfa að koma í ljós hvort Víðir verði lagður inn.

Rögn­valdur hrósar starfs­fólki göngu­deild­ar­innar fyrir að passa vel upp á Víði. Hann þakkar einnig íslensku þjóð­inni fyrir mik­inn dugnað síð­ustu daga við að hlýða gefnum sótt­varn­ar­fyr­ir­mælum. „Við erum mjög ánægð með tölur dags­ins þar sem 100 pró­sent voru í sótt­kví. Það er mjög jákvætt og ljóst að um síð­ustu helgi hefur fólk farið eftir til­mælum. Ég vona að það haldi áfram því þá getur fólk slakað meira á yfir jólin sjálf. Ég veit að þetta er rosa fórn þar sem fólk er að breyta ára­tuga­hefðum í fjölk­skyld­unni. Það þarf í ár jafn­vel að sleppa því að hitt­ast og baka smákök­urnar hennar ömmu eða langömmu,“ segir Rögn­valdur og bætir við:

„Við viljum ekki detta í fjórðu bylgju þegar það er svona stutt í mark. Víðir er svo í virki­lega góðum höndum og það er passað vel upp á hann.“