Einar Bárðarson segir að enginn vafi sé á því hver sé flottasti gaurinn í Reykjavík. Það sé Örlygur Sigurjónsson sem hefur tínt 1290 grímur af víðavangi, bara á þessu ári.
„ÖSSI ER BÚINN AÐ TÍNA 1290 GRÍMUR UPPÚR JÖRÐINNI Á ÞESSU ÁR. ÞETTA ERU OKKAR GRÍMUR! Flottasti gaurinn í borginni okkar er Örlygur Sigurjónsson (MT Orsis) á Facebook grúppuni okkar Plokk á Íslandi. Allt þetta ár hefur hann verið að plokka og það fer mikið fyrir einnota grímunum. GÆTTU AÐ GRÍMUNNI,“ segir Einar.
Hann segir að Íslendingar verði sem þjóð að gera betur.
„Það er engin þarna úti sem hendir grímu viljandi. Þetta fýkur útúr bílunum okkar þegar margar hurðir eru opnaðar í einu í miklu roki,“ segir Einar.
Það er ekki viljandi, segir Einar þegar grímurnar detta úr vösum okkur, þegar vfólk, til dæmis er að sækja lykla eða síma í vasann. Þá takast grímurnar á loft þegar herðir vind og fjúka upp úr „Rusl-ruslatunnum“ á ljósastaurum fyrir utan stórverslanir og markaði. Ástæðan fyrir því er einföld, fólk gætir þess ekki að troða þeim nægilega djúpt í tunnuna svo hún fái ekki far með næstu vindkviðu.
„Ég segi það, þetta eru ekki grímur hálfvitana, þetta eru grímurnar okkar og við verðum að gera betur!,“ skrifar Einar og hrósar hvunndagshetjunni Örvari sem þá grýpur til sinna ráða. Einar bætir við:
„ALLAR ÞESSAR MYNDIR ERU FRÁ HONUM INN Á PLOKK Á ÍSLANDI GRÚPPUNNI. Verum eins og Örlygur. Fáum okkur græna plokku og gerum betur.“
Athugasemdir