Jón Baldvin Hannibalsson, fyrrverandi ráðherra, sem lagt hefur upp í hvern leiðangurinn á fætur öðrum til að reyna verjast konum sem hafa ásakað hann um alvarlegt kynferðislegt ofbeldi, varð fyrir áfalli er Landsréttur úrskurðaði að Héraðsdómur Reykjavíkur skuli taka fyrir að nýju frávísunarkröfu Jóns Baldvins. Jón Baldvin hafði vonast til spænsk löggjöf myndi bjarga honum frá ákæru en Carmen Jóhannsdóttir hafði ásakað Jón Baldvin um kynferðisbrot og sagði hann hafa káfað á sér í vitna viðurvist á heimili Jóns og Bryndísar á Spáni. Carmen er æskuvinkona Aldísar, dóttur Jóns.
Við þingfestingu málsins í Héraðsdómi Reykjavíkur á sínum tíma krafðist sendiherrann fyrrverandi að ákærunni yrði vísað frá. Frávísunarkrafan byggði á svokallaðri þegnreglu sem varðar lögsögu ríkja. Megininntak hennar er að ríkið getur almennt tekið lögsögu yfir íslenskum ríkisborgurum, eða þeim sem búsettir eru á Íslandi, vegna brota sem framin eru erlendis, ef brotið er jafnframt refsivert þar.
Héraðsdómur féllst fyrst á kröfu Jóns Baldvins um að vísa kærunni frá dómi á þeim forsendum að dómstólar hérlendis hafi ekki lögsögu í málinu.
Þessu fagnaði Jón Baldin og Bryndís með skrifum á samfélagsmiðlum og víðar. Nú hefur enn eitt áfallið riðið yfir Jón Baldvin á skömmum tíma. Fyrir tæpri viku stigu þrjár nafngreindar konur, Ragna Björg Björnsdóttir, Sigurbjörg Jónsdóttir og Elísabet Sif Helgadóttir fram í Fréttablaðinu og lýstu kynferðislegri áreitni sem þær sögðust hafa orðið vitni að eða verið þolendur hans. Konurnar eiga það sameiginlegt að vera óumdeildar.
Í liðnum Orðrómur hér á síðu Mannlífs segir um umfjöllun Fréttablaðsins:
„Sigurbjörg var 15 ára nemandi í Hagaskóla þegar hún segir að Jón Baldvin, kennari hennar, hafi áreitt sig gróflega og farið ítrekað á fjörur við sig. Tugir kvenna hafa sömu sögu að segja. Jón Baldvin segir þær ljúga allar. Meðal þeirra sem segjast vera fórnarlamb Jóns Baldvins er Aldís Schram, dóttir hans, sem hann er nú í meiðyrðamáli við. Framburður kvennanna þriggja í Fréttablaðinu í dag er áfall fyrir Jón Baldvin.“
Nú tæpri vikur síðar fékk Jón Baldvin þær fréttir að Landsréttur hafi úrskurðað í gær að Héraðsdómur Reykjavíkur skuli taka mál Carmen aftur fyrir. Í úrskurði Landsréttar segir að þar sem hafi liðið meira en fjórar vikur frá því að munnlegur málflutningur um frávísunarkröfuna lauk og þar til úrskurður lá fyrir skulu mál Carmen gegn Jóni Baldvin vera tekið fyrir að nýju. Landsréttardómararnir Jón Höskuldsson, Kristbjörg Stephensen og Ragnheiður Harðardóttir Kváðu upp eftirfarandi úrskurð:
„Lengri tími en fjórar vikur liðu frá munnlegum málflutningi um frávísunarkröfu X þar til úrskurður var kveðinn upp. Þar sem málið var ekki flutt að nýju og ekki mátti ráða að aðilum hefði verið gefinn kostur á því né að þeir hefðu lýst því yfir að þess gerðist ekki þörf og að dómari væri því sammála, var hinn kærði úrskurður ómerktur og málinu vísað heim í hérað til munnlegs málflutnings og uppkvaðningar úrskurðar að nýju.“
Athugasemdir