Guðmundur Felix Grétarsson, sem fékk grædda á sig handleggi í Frakklandi í janúar, fór í handsnyrtingu í gær. Þar er ekki í frásögu færandi nema fyrir þær sakir að það er flott batamerki eftir aðgerðina að neglurnar vaxi og þarfnist því snyrtingar.
Guðmundur Felix er duglegur að birta uppfærslur af bataferlinu á Facebook-síðu sinni og það var einmitt þar sem hann birti mynd af sér í handsnyrtingunni og greindi frá þessum góða batamerki:
„Gettu hver er með neglur sem vaxa eins og aldrei nokkuð komið fyrir?“
Augljóst er að Guðmundur Felix naut þess að fara í handsnyrtingu í gær.
Guðmundur Felix er nú farinn í endurhæfingu á annað sjúkrahúsð í Lyon. Hann er því farinn af Édouard Herriot-sjúkrahúsinu í Lyon þar sem hann hefur dvalið síðastliðnar sjö vikur.
Guðmundur Felix fagnaði á dögunum sex vikna afmæli nýju handanna sem á hann voru græddar í einstakri aðgerð á heimsvísu. Með þeim áfanga runnu hann og hendurnar formlega saman þar sem liðamót og vöðvar hafi á þessum vikum náð að græðast.
Athugasemdir