Sóley var heldur betur ánægð með starfsfólks Dominos í Spönginni á dögunum og skrifaði inn í hópinn Matartips á Facebook:
„Langaði að hrósa starfsfólkinu á Domino‘s í Spönginni sem vann þar í gærkvöldi.
Kom að sækja pöntunina mína í gærkvöldi en hún var ekki tilbúin svo ég beið á staðnum.“
Segist hún hafa sýnt biðinni fullan skilning og ekki kvartað neitt, enda hafi verið laugardagur og brjálað að gera.
Þegar pítsan var svo til fékk hún afsökunarbeiðni og inneignarnótu, henni til mikillar undrunar.
„Fannst þau eiga hrós skilið,“ skrifar Sóley.
Fólk gleðst yfir þessari frásögn Sóleyjar og deilir sínum skoðunum:
„Tek undir þetta. Þau eru mjög fljót að bæta fyrir seinkanir og mistök, jafnvel þó maður sé ekkert að minnast á það.“
„Sammála svo góður staður og gott viðmót,“ segir ein.
„Ég elska Dominos í Kringlunni, fer ekkert annað, keyri fram hjá Dalbraut eða Skeifunni til að fara þangað,“ skrifar Edda.
Ingi segir: „Loksins einhver jákvæðni inn á þessari síðu, svo þú átt líka hrós skilið.“
Athugasemdir