Bubbi ævareiður við ríkisstjórnina fyrir að opna landið: „Ég hvet alla til að láta í sér heyra“

Bubbi Morthens segir það ólíð­andi að rík­is­stjórnin skuli opna landið nú loks­ins þegar sér til sólar. Hann segir á Facebook að það sé glóru­laus ákvörðun og ekki ólík­legt að hún sé tekin af ann­ar­legum ástæðum. Enda kemur COVID að utan líkt og allir vita.

„Það er alger­lega ólíð­andi að rík­i­s­tjórnin skuli opna landið og setja alla lands­menn í hættu, sem og gæði hins dag­lega lífs. Íslenskir tón­list­ar­menn hafa verið nán­ast atvinn­lausir í 1 ár. Öll menn­ing nán­ast legið niðri.  Pólitík og  kosn­ingar eiga ekki að stjórna ákvörðun ráð­herra þegar fólk hér inann­lands er loks­ins að sjá til sólar,“ segir Bubbi.

Rík­is­stjórnin kynnti í gær að hún hyggð­ist hleypa inn í landið fólki frá löndum utan Schengen, að því gefnu að það fram­vísi COVID-vott­orði. Óhætt er að segja að fáir utan ferða­þjón­ust­unnar fagni þessu.

Hann taggar svo heil­brigð­is­ráð­herra og aðra stjórn­mála­menn og biðlar til almenn­ings að láta í sér heyra svo hægt sé að koma í veg fyrir stór­slys. „ Hvað gengur ykkur til Svandís Svav­ars­dóttir? Ég hvet alla láta í sér heyra.“