Íslendingar í Noregi rífast harkalega: „Á Íslandi hlýða allir Víði en í Noregi vill enginn hlýða“

Íslend­ingar búsettir í Noregi deila nokkuð hart innan Facebook-hóps þeirra eftir að kona nokkur sak­aði aðra um kæru­leysi gagn­vart COVID. Sumir neita að taka þær skammir til sín.

Brynja nokkur spyr aðra Íslend­inga hvort þeir vilji ekki losna við veiruna. „Þó Ísland sé grænt á ein­hverjum skjá og allir vilja rjúka lönd og strönd, er svo voða­lega erfitt að hlýða til­mælum hérna í Noregi? Á Íslandi hlýða allir Víði en í Noregi vill eng­inn hlýða neinum og halda að þeir geti bara gert það sem þeir vilja. Í Noregi verðum við að hlýða reglum lands­ins svo lengi sem við búum hér. Ég er farin að halda að fólk vilji ekki fá eðli­legt líf aftur og þá sér­stak­lega þeir sem ég les um hér á þess­ari síðu… þarf að kom­ast í afmæli??… er hund­leið á að vera inni­lokuð með börn­unum mínum?? Kemst ekki í partý… hvað er málið? Getum við ekki öll staðið saman, hvar sem við búum í land­inu og gert okkar af mörkum til að losa okkur við þessa hel­vítis veiru svo við getum kom­ist heim til okka kæra Íslands og heim­sækja okkar fólk,“ skrifar Brynja.

Svörin sem hún fær eru fæst jákvæð. „Veiran er komin til að vera. Þetta er nýja normið. Einnig hjálpar það ekki að fjErna hagar sér eins og fáviti sem þyk­ist ekki kunna á sínar eigin reglur. Hvers­vegna eigum við að hlusta á ráð­þrota póli­tískusa sem geta ekki einusinni fylgt sínum eigin reglum?,“ spyr Vil­hjálmur og vísar þar til Ernu Solberg, for­sæt­is­ráð­herra Noregs, sem braut norskar sótt­varn­ar­reglur nýverið.

Kona nokkur neitar að taka þetta til sín. „Hverjir halda að þeir geti bara gert það sem þeir vilja ??? Þó fólk sé að spyrja útí reglur og fá ráð, þá er ekki þar með sagt að fólk ætli ekki að fara eftir ráðum, svo veist þú ekk­ert um hagi fólks, og ættir ekki að dæma svona létt. Island er enn grænt og þangað má maður ferð­ast fari maður eftir öllum reglum. Það er svo hins­vegar erfitt að snúa til­baka nuna eins og sakir standa. Ég hef farið eftir öllu boðum og bönnum í heilt ár, ein með tvö börn og enga aðstoð. Ég neita að taka þetta til mín, þó þú túlkir það svo að ég “nenni ekki“,“ segir hún.

Önnur kona efast um að Íslend­ingar í Noregi hagi sér verr en á Íslandi. „Lang flestir eru að fylgja reglum og gera sitt til þess að draga úr útbreiðslu far­ald­ur­ins og þá held ég að það sé lít­ill munur á Íslend­ingum sem búa á Íslandi eða Íslend­ingum sem búa í Noregi.“

Sú sem hóf umræð­una, Brynja, útskýrir hvers vegna þetta er henni svo mikið til­finn­inga­mál. „Til þeirra sem tekur nærri sér það sem ég er að skrifa… góða nótt og gleymið ykkur þar. Ég mun aldrei gleyma mömmu sem dó af ástæðu­leysu á Landa­koti í vetur. Ég vil bara reyna að biðla til þeirra sem enn hafa heila um að halda ykkur heima og reyna að hjálpa hinum að skilja að þessi veira er ekki að skilja milli þjóða og mun ekki skilja milli norð­manna og íslend­inga. Í Guðanna bænun, haldið ykkur heima.“