Björn nokkur greinir frá nokkuð hrollvekjandi atvikið sem hann varð fyrir á heimili sínu í dag. Hann segir nágrönnum sínum í hópi Vesturbæinga á Facebook að hann hafi skilið útidyrahurðina opna þegar hann stökk út í búð. Þegar hann kom heim var maður þar og virtist vera að kalla á fjölskyldu sína að koma inn.
„Daginn. Ég stökk út í búð rétt fyrir hádegi og skildi eftir opið heima hjá mér þar sem ég var aldrei þessu vant lyklalaus. Þegar ég kom heim var maður búinn að opna útidyrahurðina mína, stóð fyrir utan og var að kalla á fjölskyldumeðlimi sem voru í bíl fyrir utan og segja þeim að koma inn,“ skrifar Björn.
Hann segir manninn hafa verið flóttalegan. „Hann hafði fátt um svör, nefndi einhver nöfn varðandi hvern hann taldi eiga heima í íbúðinni en annars fátt um svör hvert erindið hans var. Hann spurði einnig hvort ég væri búinn að búa lengi hérna eins og hann væri að koma hjálpa einhverjum að flytja en var þó bara á litlum jeppa þannig varla í stakk búinn til aðstoða mikið við flutningar. Kom sér svo bara í burtu eftir því sem ég spurði meira,“ segir Björn.
Hann skorar á nágranna sína að læra af sinni reynslu. „Ég náði ekki að tala mikið eða vel við hann þar sem hann talaði frekar bjagaða íslensku en hann var af asískum uppruna. Hann var á ljósbrúnum Chevrolet Captiva jeppling. Skora á fólk að læsa vel á eftir sér ef íbúðin er mannlaus.“
Athugasemdir