Hlíf fær loksins að hitta Alzheimersjúka móður sína

„Hún er annað hvort of lyfjuð eða of ringluð til að halda uppi sam­tali. Því miður er  sjúk­dóm­ur­inn þess eðlis að það er ótrú­lega erfitt að eiga við hann, lyfin hafa ekki virkað eins og von­ast hafði verið, og henni hrakar hratt,“ sagði í færslu sem vin­kona Hlífar Bjarna­dóttir, skrif­aði um móður Hlífar og setti inn á söfn­un­ar­síð­una gofundme.com.

Mannlíf skrif­aði um bar­áttu Hlífar við að hitta móður sína þann 7. júní síð­ast­liðin.

Hlíf er ein­stæð móðir, búsett í Ástralíu, en dreymdi um að kom­ast til Íslands til að hitta móðir sína sem greind­ist Alzheimer í nóv­em­ber 2019, aðeins 59 ára að aldri.

Hlíf er í reglu­legu sam­bandi við fjöl­skyldu sína en hefur ekki getað talað við móðir sína frá því í nóv­em­ber í fyrra. Hlíf vill allt til þess reyna að kom­ast til lands­ins í næsta mán­uði ásamt sonum sínum en ferðin mun verða henni dýr. Því setti vin­kona hennar, Katherine Savage, upp söfn­un­ar­síð­una þar sem þær vin­konur stefndu á að safna saman tvö þús­und doll­urum fyrir Íslands­ferð­inni.

Það er ánægju­legt að segja frá því að þær hafa nú náð þeim árangri og ríf­lega það því 2.885 doll­arar hafa safn­ast og mun Hlíf fá að hitta móður sína og synir hennar ömmu sína nú í sumar.