Bjarni með yfirburði og Jón Gunnarson í öðru sæti samkvæmt fyrstu tölum úr Suðvesturkjördæmi

Prófkjör Sjálf­stæð­is­flokks­ins í Suðvest­ur­kjör­dæmi fór fram í dag og lok­aði kjör­stöðum klukkan 18. Alls kusu 4.700 manns í kjör­dæm­inu.

Tólf ein­stak­lingar buðu sig fram í  þau sex sæti sem í boði eru.

Samkvæmt fyrstu tölum sem lesnar voru upp í Lind­ar­skóla nú klukkan 19 virð­ist fjár­mála­ráð­herra vera með yfir­burð­ar­stöðu og en spennan er meiri um næstu sæti. Þar getur enn allt gerst.

Talin hafa verið 1419 atkvæði sem skipt­ast þannig :

1169 atkvæði í 1. sæti  Bjarni Bene­dikts­son

371 atkvæði í 1.- 2. sæti  Jón Gunn­ars­son

474 atkvæði í  1. – 3. sæti  Bryndís Har­alds­dóttir

587 atkvæði í  1. – 4. sæti  Óli Björn Kárason

696 atkvæði í  1. – 5. sæti   Arnar Þór Jónsson

787 atkvæði í  1. – 6. sæti  Sig­þrúður Ármann

Bjarni Bene­dikts­son, for­maður flokks­ins, nýtur greini­lega ein­dreg­ins stuðn­ings í sínu kjör­dæmi þrátt fyrir háværar raddir sem hafa hljó­mað um hugs­an­lega brott­för Bjarna úr for­manns­sæt­inu. Samkvæmt fyrstu tölum úr kjör­dæmi hans virð­ist ekki vera vilji til þess meðal flokks­manna, í það minnsta ekki í hans kjör­dæmi.

Jón Gunn­ar­son er að vinna sigur ef marka má þessar fyrstu tölur kvölds­ins. Stærstu von­brigðin eru fyrir Vilhjálm Bjarna­son en hann kemst ekki á blað enn sem komið er.

Hér má sjá þá 12 aðila sem gáfu kost á sér og hvaða sæti þau sækj­ast eftir:

Arnar Þór Jónsson, 50 ára, hér­aðs­dóm­ari. (Sækist eftir 2. – 3. sæti)

Bergur Þorri Benja­míns­son, 42 ára, for­maður Sjálfs­bjargar lsh. (Sækist eftir 4. sæti)

Bjarni Bene­dikts­son, 50 ára, for­maður Sjálf­stæð­is­flokks­ins og fjár­mála- og efna­hags­ráð­herra. (Sækist eftir 1. sæti)

Bryndís Har­alds­dóttir, 44 ára, alþing­is­maður. (Sækist eftir 2. sæti)

Guðbjörg Oddný Jón­as­dóttir, 36 ára, vara­bæj­ar­full­trúi. (Sækist eftir 4. sæti)

Hannes Þórður Þor­valds­son, 38 ára, lyfja­fræð­ingur. (Sækist eftir 5. sæti)

Jón Gunn­ars­son, 64 ára, rit­ari Sjálf­stæð­is­flokks­ins og alþing­is­maður. (Sækist eftir 2. sæti)

Karen Elísabet Hall­dórs­dóttir, 47 ára, bæj­ar­full­trúi og skrif­stofu­stjóri. (Sækist eftir 3. sæti)

Kristín Thorodd­sen, 52 ára, bæj­ar­full­trúi. (Sækist eftir 3. sæti)

Óli Björn Kárason, 60 ára, alþing­is­maður. (Sækist eftir 2. sæti)

Sig­þrúður Ármann, 44 ára, lög­fræð­ingur og fram­kvæmd­ar­stjóri. (Sækist eftir 3. sæti)

Vil­hjálmur Bjarna­son, 69 ára, við­skipta­fræð­ingur. (Sækist eftir 3. sæti eða ofar)