Flemming ákærður fyrir morðið á Freyju – Stúlkan frá Selfossi var aðeins 43 ára

Flemming Mogensen, 51 árs barns­faðir Freyju Egils­dóttur, hefur verið ákærður fyrir morðið á Freyju. Hann ját­aði á sig morðið og reiknar sak­sókn­ari með því að svo verði áfram þannig að rétt­ar­höldin gangi fljótt fyrir sig. Freyja var aðeins 43 ára þegar hún var myrt.

Flemming er ákærður fyrir að hafa myrt Freyju með því að kyrkja hana þann 29. jan­úar síð­ast­lið­inn. Þá er honum gert að hafa sund­ur­limað lík hennar og reynt að fela það á heim­ili þeirra og úti í garð­inum.

Sjá einnig: Þetta er mað­ur­inn sem myrti Freyju – Leiddur fyrir dóm­ara með brotin gler­augu

Freyja ólst upp á Selfossi. Hún flutti til Árósa í Danmörku árið 1999 og bjó þar fram í and­látið. Flestir ætt­ingjar hennar búa á Íslandi en systir hennar býr í Danmörku. Freyja tók síðan upp sam­band með Flemming sem hefur játað að hafa myrt hana með hrylli­legum hætti. Þegar Flemming var leiddur fyrst fyrir dóm­ara voru gler­augu hans brotin.

Flemming, sem á að baki tíu ára dóm fyrir morð, til­kynnti lög­reglu þann 2. febr­úar að Freyja væri týnd. Sama dag var hann hand­tek­inn grun­aður um að hafa orðið henni að bana. Síðan hefur hann sætt gæslu­varð­haldi.

Danskir fjöl­miðlar fjöll­uðu um fyrra morð Flemming á tví­tugri barns­móður sinni í nóv­em­ber 1995. Hann er sagður hafa stungið hana minnst 18 sinnum en þá var sonur þeirra tveggja ára gam­all. Morðið átti sér stað í Odder, skammt frá þar sem Freyja fannst myrt á heim­ili sínu. Fyrir fyrra morðið á barns­móð­ur­inn hlaut Flemming 10 ára dóm en þá ját­aði hann strax á sig glæp­inn líkt og hann gerði varð­andi Freyju.

Sjá einnig: Sorg­ar­saga Freyju -„Erum í áfalli“-Stúlkan frá Selfossi elskaði flat­kökur og íslenska nátt­úru

Dag­setn­ing rétt­ar­hald­anna yfir Flemming liggur ekki fyrir en sak­sókn­ari vonar að sak­born­ing­ur­inn játi áfram morðið og því kunni rétt­ar­höld­unum að ljúka á einum degi.

Eins og áður sagði var Freyja stúlka frá Selfossi, sem elskaði flat­kökur og íslenska nátt­úru. Síðustu vikur hennar hér á jörðu sakn­aði hún heima­lands­ins og mátti skynja að hana lang­aði heim. Fjöl­skylda Freyju er yfir­buguð af sorg af þeim fregnum að hún hafi verið myrt.