Árni Oddur er launahæsti forstjóri landsins – Þénar á við 100 verkamenn

Launa­hæsti for­stjóri lands­ins er Árni Oddur Þórð­ar­son, for­stjóri Marels. Hann er með tæp­lega 36 millj­ónir króna í mán­að­ar­laun. Það þýðir að hann er með 1,2 millj­ónir í laun, hvern ein­asta dag árs­ins. Ef launin eru skoðuð nánar er Árni Oddur vak­inn og sof­inn með 40 þús­und krónur á klukku­stund, allan sól­ar­hring­inn og allt árið um kring. Tekjur hans koma  fram í Tekju­blaði Frjálsrar versl­unar. Lægstu laun í land­inu eru sem nemur 300 þús­und krónum á mán­uði. Árni Oddur þénar þannig á við 100 verka­menn.

Næstur í tekju­röð for­stjór­anna er Árni Harð­ar­son, for­stjóri Salt Invest­ment. Hann á tasl­vert langt í land með að ná launum nafna síns en kmst samt ágæt­lega af með 26 millj­ónir króna á mán­uði eða sem nemur 870 þús­und krónum á dag, alla daga mán­að­ar­ins. Ef miðað er við að hann vinni 10 tíma á dag, fimm daga vik­unnar, er tíma­kaup hans um 160 þús­und krónur.

Þriðji í röð for­stjór­anna er Tómas Már Sig­urðs­son, for­stjóri HS Orku. Hann er með rétt tæpar 20 millj­ónir króna í mán­að­ar­laun eða sem nemur milljón krónur á hvern virkan dag.