Logi í Samfylkingunni: „Katrín búin að opna á að Sjálfstæðisflokkur fái heilbrigðisráðuneytið“

Formaður Sam­fylk­ing­ar­innar, Logi Ein­ars­son, segir á á Facebook-síðu sinni að „nú er orðið ljóst að ríkis­stjórnar­flokk­arnir ætla að gera hvað sem er til að halda sam­starf­inu áfram.“

Og bætir við:

„Formaður VG hafnar hverju umbótamálinu á eftir öðru til þess eins að geta starfað áfram með Sjálfstæð­is­flokknum,“ segir Logi og greini­legt að hann telur það vera erfitt verk­efni að koma í veg fyrir að VG haldi stjórn­ar­sam­starrf­inu áfram með Sjálf­stæð­is­flokki og Framsókn:

„Katrín segir stóreigna­skatt ekki á dag­skrá, í nýju við­tali við Morg­un­blaðið. Og er ánægð með óbreytt veiði­gjöld. En fyrir hvað stendur VG, hvert er erindi þeirra í pólitík, ef þau vilja ekki jafna kjörin í land­inu?“ spyr Logi og nefnir að Katrín Jak­obs­dóttir for­sæt­is­ráð­herra sé búin að opna á „að gefa Sjálfstæð­is­flokknum heil­brigð­isráðuneytið í næstu ríkis­stjórn.“

Yfir því er Logi ekki hress:

„Ætla VG virki­lega að hunsa þjóðar­vilj­ann í stóru málunum næstu fjögur árin fyrir nokkra stóla?“