Umboðsmaður tjáir sig um Inga og segir íbúa reiða: „Traustið á honum er farið“

„Það treystir honum eng­inn,“ sagði umboðs­maður flokks í Norð­vest­ur­kjör­dæmi í sam­tali við Mannlíf í gær. Á hann við um Inga Tryggva­son.

Maðurinn vildi ekki láta nafns síns getið, en var hann umboðs­maður í Norð­vest­ur­kjör­dæmi í síð­ustu kosn­ingum.
Sagði hann að íbúar væru reiðir vegna máls­ins. Mikil breyt­ing varð á nið­ur­stöðu síð­ustu kosn­inga eftir að end­ur­taln­ing fór fram í Norð­vest­ur­kjör­dæmi.
Þá hefur Ingi Tryggva­son, for­maður yfir­kjör­stjórnar í Norð­vest­ur­kjör­dæmi, sagt að hann hafi ekki fylgt reglum um inn­sigli.
Lagðar hafa verið fram þó nokkrar kærur vegna máls­ins.

Þá gagn­rýnir umboðs­mað­ur­inn skort á hvíld­ar­tíma taln­ing­ar­fólks áður en end­ur­taln­ing hófst. Fólkið hafi ekki einu sinni fengið lág­marks­hvíld.

„Taln­ing­ar­fólkið á mik­inn heiður skil­inn fyrir að hafa komið með svona skömmum fyr­ir­vara,“ sagði hann, en bætti við að mórall­inn í bænum væri ekki góður.

Aðspurður hvernig and­rúms­loftið væri í bænum sagði hann það ekki vera gott.
„Það er allt vit­laust.“
íbúar segi í hálf­gerðu gríni að umboðs­menn beri þarna smá ábyrgð. Þó segir hann ljóst að fólk sé reitt vegna fram­komu Inga.

„Traustið á honum er farið, hann var fast­eigna­sali hérna og það treystir honum eng­inn. Það er orðið á göt­unni, því miður.“