Ungur maður höfuðkúpubrotinn í miðborginni: „Það er orðið langt síðan ég hef orðið eins reiður“

Faðir nokkur skrif­aði færslu á Facebook á dög­unum sem vakið hefur mikla athygli.

Segir hann að gengi hafi gengið í skrokk á syni sínum af til­efn­is­lausu um helg­ina:

„Það er orðið langt síðan ég hef orðið reiður eins og í dag þegar ég fékk þær fréttir að ráð­ist hafi verið á son minn af til­efn­is­lausu og nú liggur hann á spít­ala höf­uð­kúpu­brot­inn.

Það ætti að refsa svona mönnum með hörðum dómi. Hvað fær menn til þess að berja og sparka í höf­uðið á fólki. Þessi ómenn­ing sem þrífst í bænum um helg­ina er okkur til skammar. Ætti að fækka börum og loka þeim í síð­asta lagi klukkan 23.“

Í sam­tali við Mannlíf sagði fað­ir­inn að sonur hans 27 ára, hafi verið í bíl með félögum sínum í Miðbæ Reykja­víkur og hafa skroppið út úr bílnum í örskamma stund.

Hafi þá hópur manna rétt undir tví­tugu, veist að honum og barið hann niður í göt­una:

„Þar sparka þeir stans­laust í höf­uðið á honum. Þeir eru alveg stór­hættu­legir, þessi menn.“

Sonurinn dvelur ekki lengur á spít­al­anum enda lítið pláss þar að finna. Að sögn föður hans er lítið hægt að gera en að bíða og jafna sig:

„Það er mikið mar við heil­ann, skilst mér af lækn­inum sem ég tal­aði við.“

Faðirinn segir þá feðga hafa kært málið og ætla þeir ekki að gefa neitt eftir:

„Ég ætla ekki að gefa mín­útu eftir af þessu. Mér finnst þetta vera orðin svo ofboðs­leg ómenn­ing í bænum og ég bara skamm­ast mín fyrir að vera Íslend­ingur stundum því ég er mikið með útlend­inga og það er bara eng­inn að fara út á kvöldin.“

Mannlíf hefur eftir heim­ildum að um sé að ræða gengi ungra manna sem stundi það að ráð­ast á grand­ar­laust fólk og berja það til óbóta.