Mikael upplifði hræðilega hluti á Húsavík: „Vorum ekki lengi að drulla okkur út“

Í Facebook hópnum Sannar íslenskar drauga­sögur segir Mikael nokkur frá óhugna­legri reynslu sinni í félags­mið­stöð á Húsavík sem heitir Tún. Kunningi Mikaels bjó í hús­inu í tvo mán­uði:

„Hann sagð­ist aldrei ætla að vera þar yfir nótt aftur eftir að skrúfað var frá krönum nán­ast á hverri nóttu og fóta­tak heyrð­ist um allt hús. Þungur kerta­stjaki flaug af gömlu sjón­varpi í setu­stofu þar sem nokkur vitni voru.“

Sjálfur seg­ist Mikael hafa orðið vitni að því þegar skrúfað var frá krönum og heyrði fóta­tak þrátt fyrir að vera einn í hús­inu.

„Var með félaga eitt kvöld að spila pool á fyrstu hæð­inni og þegar við vorum að ganga frá eftir okkur í lok kvölds og opn­uðum kjall­ara­dyr til að slökkva ljós þar, heyrðum við fóta­tak og ljósin slokkn­uðu rétt fyrir neðan okkur án þess að nokkur væri þar. Vorum ekki lengi að drulla okkur út.“

Guðný svarar undir inn­legg­inu: „Rámar í sögur úr gamla sýslu­manns­hús­inu frá því að það var heima­vist fyrir fram­halds­skól­ann, aldrei þótt þægi­legt að fara inn í þetta kulda­lega hús.“