Sölvi Tryggvason er mættur aftur með hlaðvarpsþættina sína

Sölvi Tryggva­son hefur snúið til baka á sjón­ar­sviðið, en allir þætt­irnir hans Podcast með Sölva Tryggva­syni hafa verið gerðir aðgengi­legir á ný.

Nú geta aðdá­endur hlað­varps­þátt­anna nálg­ast alla gömlu þætt­ina sem eytt var út í gegnum vef­síð­una sol­vi­tryggva.is en áskrift að efn­inu kostar 990 krónur á mán­uði.

„Með því að ger­ast áskrif­andi að Podcast með Sölva Tryggva færð þú aðgang að meira en 100 eldri þáttum, alls kyns auka­efni og 3-4 nýjum þáttum í hverjum mán­uði. Um leið ert þú að hjálpa okkur að halda áfram þeirri veg­ferð að hafa áhrif á þjóð­mála­um­ræð­una og geta boðið uppá inni­halds­ríkar og djúpar sam­ræður með áhuga­verðum ein­stak­lingum í hverri viku. Auk þess verða dregnir út heppnir áskrif­endur í hverjum mán­uði sem fá veg­lega vinn­inga,“ segir í lýs­ingu um áskrift­ina á vef­síð­unni.

Þann 12. maí á þessu ári var öllum hlað­varps­þáttum Sölva eytt af YouTube og af hlað­varpsveitum. Var það gert í kjöl­far frétta­flutn­ings um meint ofbeldi hans. Í kjöl­far sögu­sagn­anna um ofbeldið gaf Sölvi út hlað­varps­þátt þar sem hann var við­mæl­and­inn og ræddi um ásak­an­irnar en sá þáttur vakti tölu­verða athygli.