Andrea safnar fé fyrir fólki í neyð: „Gefur svo gott í hjartað að geta aðstoðað þá sem þess þurfa“

Andrea Þórunn Björns­dóttir, sem stundum gengur undir nafn­inu amma Andrea, hefur um ára­bil safnað pen­ingi og dreift til fjöl­skyldna og ein­stak­linga sem hafa átt um sárt að binda. Í ár safn­aði hún 3.685,000 krónum sem skipt­ust á milli fólks.

Mannlíf hafði sam­band við þennan engil í manns­mynd og spurði hana út í þessa söfnun hennar, hvernig hún byrj­aði.

„Ég hef safnað í mörg ár, það byrj­aði þannig að yngri dóttir mín Guðbjörg bað mig um að hjálpa sér að safna fyrir fjöl­skyldu lít­illar veikrar stúlku sem því miður dó. Ég var alltaf á mörk­uðum að selja, ég ákvað að fara í Góu, ná þar í nammi og í Evitu gjafa­vöru­verslun í Mosó, keypti fal­lega vöru þar sem ég seldi svo áfram.“

Segist Andrea vera með styrkt­ar­sjóð í sínu nafni og passar hún að fara aldrei af stað að hjálpa nema tala við þann sem hún vill hjálpa.

„Ég er með styrkt­ar­sjóð í mínu nafni, bauð fólki að gefa eina góu­ferð, 35 þús­und, og þá gat ég látið allan pen­ing­inn í þann sem ég auglysti að ég hjálp­aði. Ég fer aldrei af stað að hjálpa ein­hverjum nema að tala við hann áður.“

Segir hún að til þess að koma söfn­un­inni af stað sé gott að segja svo­lítið frá við­kom­andi.

„Það gefur trukk í söfnun að segja aðeins frá við­kom­andi en ég hef aða­l­ega hjálpað fólki í veik­indum, líka þar sem börn veikj­ast alvar­lega.“

Andrea hefur hlotið við­ur­kenn­ingar fyrir hjálp­ar­störf sín en árið 2016 var hún val­inn Vest­lend­ingur árs­ins og Skaga­maður árs­ins 2019. En Andrea er ekki að gera þetta fyrir verð­laun og við­ur­kenn­ingar segir hún.

Amma Andrea með barna­barni sínu, Andra

Mynd: Aðsend

Í þeim til­fellum sem hún nær ekki að eyrna­merkja söfn­un­ina á ein­hvern ákveð­inn hefur hún sett sjóð­inn inn á Bónu­skort og deilt þeim á góða staði.

„Ég hef yfir­leitt verið einu sinni í viku í bónus Akranesi að selja, en gef nú Skaga­mönnum stundum frið frá mér,“ segir Andrea kímin.

En hversu miklu safnar Andrea árlega?

„Ég gat safnað fjórum millj­ónum í fyrra með góðra manna hjálp, 3.685,000 núna á þessu ári en ég gæti þetta ekki nema með hjálp fólks þarna úti sem styður við bakið á mér í þessu. Börnin mín þrjú eru líka dug­leg að hjálpa mér í þessu.“ Fjár­hæð­irnar dreifð­ust á milli fjöl­skyldna og ein­stak­linga sem þurftu á hjálp að halda.

Þegar blaða­maður spurði Andreu hvort hún safni þessu alltaf í kringum jólin og þá hvort um árlega söfnun sé að ræða svarar hún því til að hún sé að safna allt árið.

„Árlegt spyrð þú, þetta er allt árið, það er ekki hægt að hætta, þetta gefur svo gott í hjartað að geta aðstoðað þá sem þess þurfa.“

Að lokum vill Andrea þakka öllum sem lagt hafa henni lið, „ein gæti ég þetta ekki, ég þarf fólk eins og  þig fyrir fólk eins og mig.“

Söfn­un­ar­reikn­ingur Andreu: 0552-14-000288 Kennitala: 100862-3529