Hjördís um Lenyu Rún: „Sorglegt að hún eigi svona erfitt með að virða íslenska menningu og trú“

Hjördís B. Ásgeirs­dóttir skrifar færslu í Facebook-hóp­inn Stjórn­mála­spjallið þar sem hún segir að „sorg­legt að hún eigi svona erfitt með að virða íslenska menn­ingu og trú,“ og vísar í grein sem birt­ist hér á Mannlífi og varðar hina alís­lensku Lenyu Rún, nýbak­aðan þing­mann okkar Íslend­inga.

Lenya Rún Taha Karim er fædd og upp­alin hér á landi; gekk í Sala­skóla, MS, og stund­aði nám við Háskóla Íslands. Lenya Rún er fædd árið 1999 og hún hefur greint frá því að hún hafi orðið ras­isma í heima­landi sínu, Íslandi, af þeirri ástæðu einni að hún er brún á hör­und. For­eldrar Lenyu Rúnar eru frá Kúr­distan, en hún fædd­ist hér eftir að for­eldr­arnir flutt­ust til Íslands.

Ef skrif Hjör­dísar eru skoðuð nánar virð­ist sem Hjördís telji Leny Rún ekki sannan Íslend­ing, þó ekki skuli það full­yrt hér, og í raun krakka; talar um hana sem „full­orðna“ í gæsa­löppum; einnig notar hún innan gæsalappir um orðið „öðru­vísi“ um Lenyu Rún.

Mögulega er hér mis­skiln­ingur og/eða mistúlkun á orðum Hjör­dísar, en dæmi nú hver fyrir sig, enda stað­reynd að sitt sýn­ist hverjum:

„Hún (Lenya Rún) lík­ast til áttar sig ekki á því ef hún fer á þing­pall­ana þá verður hún að lúta að íslenskum kristnum gildum sam­kvæmt lögum. Það að byrja á því að tala niður um íslenska menn­ingu og trú, kann ekki góðri lukku að stýra. Hún sem „full­orð­inn“ ein­stak­lingur ætti að vita betur í dag.“

Bætir við:

„Tímarnir eru ekki þeir sömu og þegar hún var krakki og upp­lifði sig „öðru­vísi“ á þeim tíma.

Fræðsla ann­arra trú­ar­bragða er miklu meiri og opn­ari en þau voru þá. For­eldrar hennar hefðu átt að útskýra fyrir henni og fræða hana um íslenska menn­ingu og trú á þeim tíma. Þá hefði hún lík­ast til getað upp­lifað þetta á annan hátt.“

Hjördís vill meina að „ábyrgðin liggur alltaf fyrst og fremst hjá for­eldr­unum, að fræða barnið sitt svo það eigi auð­veld­ara með að aðlag­ast.

Það að sýna virð­ingu, til­lit­semi og skiln­ing fyrir íslenskri menn­ingu og trú er nauð­syn­legt þar sem hún býr á Íslandi.

Ég veit ekki betur en að það sé kennd trú­ar­bragða­fræði í öllum skólum lands­ins í dag og verið gert í nokkuð mörg ár. Börnum kennt að sýna skiln­ing og bera virð­ingu gagn­vart trú­ar­brögðum ann­arra svo fremur sem þau trú­ar­brögð brjóti ekki á rétt­indum fólks með þving­unum, ofbeldi, né valdi ein­hvers­konar mis­munun hér á landi eða stang­ast á við lög í land­inu,“ og nefnir að „við þurfum alltaf að aðlaga okkur að þeirri menn­ingu og taka til­lit til þeirra trúar sem ríkir í því landi sem við flytjum til.“

Einnig:

„Sú þjóð á ekki að aðlaga sig að menn­ingu frá því landi þess ein­stak­lings sem flytur til lands­ins. Það myndi grafa undan lögum og rótum þjóð­ar­innar með tím­anum, sem myndi enda sem lög­leysa, valda óör­yggi og óróa þar sem búið væri að grafa undan menn­ingu þess sem yrði ein­skins manns land. Land án sögu án íslenskrar menn­ingar o.fl.“

Hjördís endar færslu sína með þessum orðum:

„Við eigum ekki að eiði­leggja íslenska menn­ingu aðeins til þess að reyna þókn­ast menn­ingu ann­arra þjóða. Við getum tekið til­lit til þeirra og veitt ákveðið svig­rúm án þess að ógna eða eiða út íslenskri menn­ingu og trú. Við eigum okkar sér­stöðu og eigum að bera virð­ingu fyrir henni sem íslend­ingar.“

Eins og áður hefur komið fram að Lenya Rún bor­inn og barn­fædd á Íslandi, og um það verður ekki deilt.