Sunnudagshugvekja Brynjars: „Meðvirkni í íslensku samfélagi er að slá öll fyrri met“

Hinn umdeildi Brynjar Níelsson, fyrr­ver­andi þing­maður og núver­andi aðstoða­maður inn­an­rík­is­ráð­herra, skrif­aði pistil á Facebook í dag sem hann kallar Sunnu­dags­hug­verkju. Fer talar hann um það sem hann kallar með­virkni í íslensku sam­fé­lagi.

„Með­virkni í íslensku sam­fé­lagi er að slá öll fyrri met. Hún er orðin að ein­hvers konar dygða­skreyt­ingu. Þeir sem hafa ekki sann­fær­ingu fyrir öllum sótt­varna­að­gerðum, heimsendi vegna lofts­lags­vár, feðra­veld­inu og banni gegn blóð­mera­haldi þurfa helst að sæta úti­lokun og bann­fær­ingu. Fleira mætti telja.“

Vill Brynjar meina að aðeins sé leyfð ein skoðun þegar kemur að sótt­vörnum.

„Það hefur bara ein skoðun verið leyfð þegar kemur að sótt­vörnum. Hún er sú að fylgja til­lögum sótt­varna­læknis og helst ganga lengra. Flestir í þessum hópi koma úr röðum eft­ir­launa­manna og opin­bera starfs­manna, sem ekki hafa orðið fyrir tekju­tapi vegna sótt­varna­að­gerða, heldur þvert á móti. Nú er krafan að opin­berir starfs­menn fái sér­stakar álags­greiðslur vegna veirunnar. Það er eins og margir séu búnir að gleyma því að yfir­vinnu­taxti inni­heldur álags­greiðslur. Hugur minn er ekki aðal­lega hjá opin­berum starfs­mönnum þrátt fyrir álag þar á bæ heldur þeim sem hafa orðið fyrir tekju­tapi eða misst vinn­una og lífs­við­ur­værið.“

Þegar snýr að lofts­lags­málum segir Brynjar að ofstækið hafi náð tökum í þeim efnum.

„Lofts­lags­málin eru farin að bera keim af bók­stafs­trú. Stefnir í að efa­semd­ar­menn verði afgreiddir eins og hverjir aðrir villu­trú­ar­menn. Ofstækið hefur náð völdum. Það eru allir sam­mála um þau mark­mið að draga úr úrgangi og mengun sem fylgir okkur. Ástæðu­laust er samt að auka fátækt og hörm­ungar hund­ruð millj­óna manna um allan heim í öllu ofstæk­inu. Það er ekki eins og vís­indin séu með allt á hreinu í þessum efnum.“

Næsta mál sem Brynjar tekur fyrir í færslu sinni er hug­takið feðra­veldið. Er hann þó ekki jafn harð­orður um það mál og önnur í hug­vekju sinni. Má jafn­vel segja að hann hafi farið nokkuð mjúkum höndum um mál­efnið, svona miðað við oft áður.

„Ég hef aldrei náð tökum á þess­ari hug­mynda­fræði um feðra­veldið. Er ekki viss um að

Soffía frænka upp­lifi mikið feðra­veldi á sínu heim­ili. Kannski býr hún með ein­hverri lurðu. Kynin eru praktíst og hafa hagað málum eftir því hvað hefur hentað á hverjum tíma í sam­fé­lag­inu til að halda heim­ili og koma börnum á legg. Samfélög þró­ast og breyt­ast og vissu­lega þarf stundum smá rót­tækni til að koma hlut­unum á stað.“Þá kemur hann aðeins inn á blóð­mera­hald sem hann seg­ist þó hafa litlar skoð­anir á.

„Nú er allt komið á hvolf vegna þess að ein­hver fór ekki að reglum við blóð­mera­hald og öll blóð­taka úr merum orðið að dýra­níð. Þess vegna þarf að banna slíkt. Ég hef ekki sterkar skoð­anir á blóð­mera­haldi en get þó sagt að ef ég væri meri myndi ég frekar vilja láta taka blóð úr mér reglu­lega en að verða lógað. Svo hefur verið tekið úr mér blóð reglu­lega ára­tugum saman með til­heyr­andi yfir­liði og óþæg­indum. En það var fag­lega gert og af umhyggju. Það hlýtur að vera hægt að gera það sama í blóð­mera­haldi.“

Í loka­orð­unum bendir Brynjar á til­gang­inn með þess­ari hug­vekju hans.

„Þessi sunnu­dags­hug­vekja er til að vekja okkur til umhugs­unar og benda á mik­il­vægi yfir­veg­aðrar og mál­efna­legrar umræðu, sem er for­senda þess að búa saman í lýð­ræð­is­legu og sið­uðu sam­fé­lagi. Úti­lok­un­ar­menn­ing og bann­fær­ingar leiða aldrei til góðs.“