Tomasz Þór Veruson leiðsögumaður hefur kvartað formlega yfir því að hann hann hafi orðið fyrir einelti innan Ferðafélags Íslands. Vísir.is fjallaði um málið. Í frétt Vísis eru nefndir til sögu tveir leiðsögumenn Ferðafélagsins sem hafi hætt í félaginu af umræddri ástæðu. Tómasz ekki nafngreindur en heimildir Mannlífs staðfesta að um sé að ræða hann. Hann hefur, samkvæmt Vísi, sagt sig úr félaginu vegna þessa ásamt fararstjóra sem tengist honum.
Tomasz komst í fréttir eftir að afrekskonan Vilborg Arna Gissurardóttir, fyrrverandi sambýliskona hans, upplýsti hann hefði beitt hana ofbeldi. Hann gekkst við ásökununum og baðst opinberlega fyrirgefningar á framkomu sinni gagnvart Vilborgu. Hann hefur ekki starfað fyrir Ferðafélag Íslands síðan verkefni hans lauk og var ekki fastur fararstjóri.
Um það leyti sem ofbeldismál hans kom upp í janúar sl. kvartaði hann formlega undan því að hafa orðið fyrir einelti innan félagsins. Hann telur að hópur kvenna á samfélagsmiðlum hafi dreift um sig sögum sem ekki eigi sér stoð í raunveruleikanum. Í frétt Vísis segir að „lygasögurnar tengist einkalífi og fagmennsku leiðsögumanna“. Tekjur leiðsögumannanna minnki enda fækki í kúnnahópnum. Þá hafi myndir úr ferðum með ákveðnum leiðsögumönnum verið útilokaðar af samfélagsmiðlum félagsins. Það hafi fyrst uppgötvast þegar viðskiptavinir fóru að spyrjast fyrir hvers vegna myndir af þeim væru aldrei inni á miðlunum.
Í frétt Vísis er haft eftir Páli Gumundssyni framkvæmdastjóra Ferðafélags Íslands að málið sé til skoðunar hjá óháðri sálfræðistofu. Málið hafi áður verið sent til lögfræðistofu sem hafi metið það sem svo að félagið þyrfti ekki að aðhafafst í málinu þar sem ásakanir vísi ekki til atburða sem hafi orðið á vettvangi félagsins.
Ekki náðist í Tomasz við vinnslu fréttarinnar.
Uppfært: Lögmaður Tómaszar, Eva Hauksdóttir, vildi koma því á framfæri vegna skjólstæðings síns að hann væri ekki heimildarmaður Vísis eða viðmælandi í umræddri frétt. Fréttin hefur verið uppfærð í samræmi við það.
Athugasemdir