Ný vísindagrein byggð á rannsókninni Áfallasögu kvenna birtist á miðvikudaginn. Niðurstöður hennar sýna að nær fjórðungur kvenna á Íslandi glímir við alvarleg svefnvandamál.
Samkvæmt greininni eru alvarleg svefnvandamál algengari meðal kvenna á Norðurslóðum, en annars staðar, sérstaklega á veturna. Þessar niðurstöður hvetja til þróunar á fyrirbyggjandi aðferðum og inngripum fyrir konur sem búa á Norðurslóðum sem þjást af svefnvandamálum.
Alvarleg svefnvandamál
Hingað til hafa fáar rannsóknir rannsakað svefnvandamál meðal kvenna sem búa á Norðurhveli jarðar eða íslenskra kvenna, sem búa við breiddargráðu 63–66°N. Markmið þessarar íbúarannsóknar er að meta algengi alvarlegra svefnvandamála og tengdra þátta.
Þátttakendur voru 29.681, konur á aldrinu 18–69 ára. Bakgrunnsupplýsingar, heilsutengd hegðun og geðheilsueinkenni voru metin með spurningalista á netinu.
Ýmsir áhættuþættir
Á heildina litið sögðu 24,2% kvenna frá alvarlegum svefnvandamálum. Konur sem svöruðu á veturna sýndu almennt hærra algengi alvarlegra svefnvandamála, samanborið við þær sem svöruðu á sumrin.
Alvarleg svefnvandamál voru algengari meðal ungra kvenna og kvenna á miðjum aldri, þeirra sem voru einhleypar, hjá mæðrum, þeim sem voru með félagslegar- og efnahagslegar áskoranir og unnu vaktavinnu. Ennfremur voru áhættuþættir eins og offita, óheilbrigður lífstíll, of mikill skjátími og geðræn vandamál tengd alvarlegum svefnvandamálum.
Athugasemdir