Vítalía er hætt á öllum samfélagsmiðlunum: „Þetta er spill­ing og ekk­ert annað“

Vítalía Lazareva er hætt á öllum sam­skipta­for­ritum. Ekki til­búin að segja ástæð­una.

Vítalía Lazareva komst í frétt­irnar í fyrra en þá sagði hún frá ást­ar­sam­bandi sínu við Arnar Grant, lík­ams­rækt­ar­frömuð, sem þá var kvæntur. Það sem vakti enn meiri athygli var frá­sögn hennar af kyn­ferð­is­brotum sem hún varð fyrir af hendi vina­hópi Arnars, í heita­potti í sum­ar­bú­stað eins þeirra í októ­ber síð­ast­liðnum.

Sjá einnig: Vítalía með nýjar upp­ljóstr­anir í sum­ar­bú­stað­ar­mál­inu: „Þórður Már braut á mér manna mest“

Þá sagði hún einnig frá því á Twitter í síð­ustu viku að hún ætti margt að þakka stuðn­ingi Eggerts Þórs Krist­ó­fers­sonar, for­stjóra Festis hf. en fréttir höfðu þá borist af skyndi­legum starfs­lokum hans. Samkvæmt heim­ildum Mannlífs var það meðal ann­ars fyrir til­stilli hlut­haf­anna Þórðar Más Jóhann­es­sonar og Hregg­viðs Jóns­sonar að hann var lát­inn fjúka. Sagði Vítalía í færsl­unni að Eggert hefði hlustað á sig og stutt sig í mál­inu. „Einn af þeim fáu mönn­um sem tal­aði við mig án þess að þekkja mig, hlust­aði og gaf mér tæki­færi á að segja mína hlið þegar ÞMJ var bú­inn að leggja allt aðra sögu á borðið hjá stjórn­inni. Ég á Eggerti mikið að þakka og ég vona að hann viti það. Þetta er spill­ing og ekk­ert annað,“ rit­aði Vítalía á mið­il­inn.

Fréttin uppfærð

Þegar frétt þessi birt­ist í dag var haft eftir mbl.is að færsla Vítalíu hefði verið gagn­rýnd af les­endum en það ku ekki vera rétt sam­kvæmt Vítalíu sem sagði í sam­tali við Mannlíf að hún hefði fengið afar jákvæð við­brögð við færsl­unni. Sagði hún að fólk hafi mært Eggert í hástert í athuga­semd­unum.

Þá sagði Vítalía Mannlífi aukreitis að hún væri hætt á öllum sam­fé­lags­miðl­unum, Facebook, Instagram og Twitter. Aðspurð hvort hún hefði fengið nóg af þeim neit­aði Vítalía því. Sagði hún ástæð­urnar aðrar en vildi ekki tíunda þær frekar.