Ung ofurölvi stúlka hvarf í nótt eins og jörðin hefði gleypt hana – Gunnar skelkaður í Vesturbænum

Gunnar Hrafn Jónsson, fjöl­miðla­maður og fyrr­ver­andi þing­maður Pírata, seg­ist á Facebook hafa orðið fyrir óhugn­an­legri lífs­reynslu í nótt. Hann var í Vest­ur­bænum í heim­sókn hjá félaga þegar ung stúlka, viti sínu fjær, varð á vegi hans. Hann og vinur hans reyndu að aðstoða hana en meðan Gunnar var að ræða við lög­regl­una í síma hvarf stúlkan. Gunnar seg­ist hafa veru­legar áhyggjur af henni nú.

„Óhugn­an­leg upp­lifun í kvöld. Heim­sótti vin í vest­ur­bænum og vorum að reykja sígar­ettur fyrir utan þegar ofurölvuð ung stúlka mætir á svæðið og getur ekki gert grein fyrir sér nema að tak­mörk­uðu leyti. Hún þáði vatn og áfengi en var mjög ringluð svo við ákváðum að vera áfram úti til að sjá til þess að hún kæm­ist heim til sín, sem hún sagði að væri rétt hjá,“ segir Gunnar Hrafn.

„Svo missir hún ítrekað með­vit­und, og ég tek púls­inn á henni sem er veikur. Við náum að vekja hana og gefa henni vatn en hún var alveg stjörf og gat ekk­ert sagt um hvar hún ætti heima nema að það væri í næsta nágrenni.“

Menn ákváðu þá að reyna að koma stúlkunni heim til sín. „Tveir vinir mínir styðja hana á lappir og hjálpa henni að leita að hús­inu sínu, sem virt­ist takast, en hún fann engla lykla og féll síðan fram fyrir sig á grófa möl beint í and­litið. Ég tók aftur púls og hann var orð­inn veik­ari, svo ég hringdi strax í 112. Þeir sendu lög­reglu­menn og sjúkra­liða en á meðan ég var að lýsa aðstæðum hafði stúlkan með ein­hverjum hætti kom­ist yfir í næsta garð,“ segir Gunnar Hrafn.

Hann sá hana ekki aftur. „Ég reyndi að tala við lögg­una og elta hana á sama tíma en skemmst er frá því að segja að ég missti af henni í ein­hverjum garði, kall­aði nafn hennar enda­laust (sem byrjar á K, ef ein­hver kann­ast við) en það var eins og jörðin hefði gleypt hana. Ég vona svo inni­lega að hún liggi ekki í ein­hverjum garði núna heldur hafi fengið hjálp, lög­reglan lof­aði að leita að henni í hverf­inu,“ segir Gunnar Hrafn.

Hann bætir svo við að sam­starfs­maður hans af Alþingi hafi orðið vitni að þessu öllu. „Fyrir ein­skæra til­viljun var fyrr­ver­andi kollegi minn af Alþingi vitni að hluta af þess­ari atburða­rás en hann nafn­greinir sig bara ef hann vill. Hann má eiga það að hann sá þrjá full­orðna karl­menn ber­andi unga stúlku yfir göt­una og vildi vita hvað var í gangi. Við þurfum öll að vera með­vituð um hætt­una sem fólk, sér­stak­lega stúlkur, standa frammi fyrir í dag.“