Nýtt tímarit Mannlífs, stútfullt af spennandi og áhugaverðu efni, er komið út. Hægt er að lesa blaðið hér á vefnum eða verða sér úti um ókeypis eintak í Bónus, Hagkaup eða á N1.
Blaðið að þessu sinni er ekki af verri endanum, en forsíðuna prýðir ísdrottningin sjálf, Ásdís Rán Gunnarsdóttir. Í viðtalinu lítur hún yfir farinn veg, en Ásdís hefur marga fjöruna sopið síðan hún kom fyrst fram á sjónarsviðið sem fyrirsæta á unglingsaldri. Hún er nú loks flutt heim til Íslands eftir að hafa búið erlendis í fjöldamörg ár. Vinkona Ásdísar hvarf sporlaust í Búlgaríu árið 2017, eftir að hafa tengst fjársvikamáli sem vakti heimsathygli. Ásdís vill vona að vinkonan sé á lífi, en þykir það æ ólíklegra.
Í blaðinu er fjallað um áhrifavalda sem sakaðir hafa verið um að selja vörur frá AliExpress á margföldu verði, líkt og í tilfelli sem komst nýverið í hámæli. Fleiri svipuð mál sem komið hafa upp í gegnum árin eru rifjuð upp. Framkvæmdastjóri Neytendasamtakanna segir mikilvægt að neytendur séu gagnrýnir.
Fastir liðir blaðsins eru að sjálfsögðu á sínum stað; baksýnisspegillinn, áhugaverðir pistlar, innsendar greinar og sakamálið, sem hverfist að þessu sinni um skrímslið í þorpinu Tholeni.
Í blaðinu má einnig finna viðtöl við listakonuna Ninný, Andreu Maack ilmgerðarkonu, fatahönnuðinn Anitu Hirlekar og fjölskyldu sem rekur ilmgerð í gamla Grjótaþorpinu.
Tónlistarmaðurinn, sagnfræðingurinn og hlaðvarpsstjórnandinn Flosi Þorgeirsson er síðan undir stækkunargleri Mannlífs að þessu sinni.
Blaðið má lesa hér eða í prentaðri útgáfu í Bónus, Hagkaup og á N1. Gríptu þér ókeypis eintak!
Athugasemdir