Beggi Ólafs opnar á ástina: „Vá hvað ég get ekki beðið eftir að tríta einhverja prinsessu“

„Ég get ekki beðið eftir því að finna til­finn­ingu að elska sanna­lega,“ segir Berg­sveinn Ólafsson, fyr­ir­les­ari og fyrr­ver­andi knatt­spyrnu­maður, gjarnan kall­aður Beggi Ólafs á Instagram.

Í upp­hafi árs vakti Beggi athygli fyrir að birta mynd af sér grát­andi á sama sam­fé­lags­miðli. Þá sagði hann: „Sterkir menn gráta líka“ og hlaut lof margra. Nýlega kvað hins vegar við nýjan tón hjá honum er hann fékk mikla gagn­rýni fyrir færslu sína um karl­mennsk­una.

Sjá einnig: Beggi Ólafs hafður að háði og spotti: „Maður á að vera stoltur af því að vera karl­maður“

Í þess­ari nýju ást­ar­færslu Begga svarar hann meðal ann­ars þeirri spurn­ingu hvort hann eigi von á því að finna ást­ina á næst­unni. Þar segir hann að þegar kemur að ást­inni eigi maður ekki að sætta sig við hvað sem er.

„Ég veit það ekki. Ég var búinn að loka á það en ætla að vera opinn fyrir því. Ég veit ekki hvort það verður en veit að ég hlakka til að finna hana aftur,“ segir Beggi og heldur áfram:

„Mér líður vel einn en er alltaf til­bú­inn að fá mann­eskju inn í líf mitt, ef hún er rétt. En ef ég finn það þá ætla ég bara að leyfa því að ger­ast. Vá hvað ég get ekki beðið eftir að tríta ein­hverja prinsessu og gera líf hennar að eins góðum stað og mögu­lega hægt er.“