Eyþór hagnaðist um nærri 400 milljónir í fyrra – Samherji gaf honum hlutabréfin í Mogganum

Útlit er fyrir að útgerð­ar­fé­lagið Samherji hafi nú afskrifað 100 milljón króna lán sem fyr­ir­tækið veitti Eyþóri Arnalds, fyrr­ver­andi odd­vita Sjálf­stæð­is­flokks­ins í borg­inni, til að kaupa hlut í Morg­un­blað­inu. Eign­ar­halds­fé­lag hans hagn­að­ist um 388 millj­ónir á síð­asta ári og er hagn­að­ur­inn meðal ann­ars til­kom­inn vegna afskrift­ar­innar.

Eyþór á núna tæp­lega 12 pró­senta hlut í Þórsmörk, móð­ur­fé­lagi Moggans, í gegnum eign­ar­halds­fé­lag sitt, Ramses II. Hlut­ur­inn var um síð­ustu ára­mót bók­færður á 100 millj­ónir króna. Félag­ið fékk selj­enda­lán frá félagi í eigu Sam­herja til að kaupa hlut sjáv­ar­út­vegs­ris­ans í útgáfu­fé­lag­inu árið 2017. Það lán var á gjald­daga í mars 2020 og hefur enn ekki verið greitt.

Samkvæmt Við­skipta­blað­inu hefur Samherji nú afskrifað lánið til Eyþórs og fékk hann 100 millj­óna virði í hluta­bréfum Moggans því gef­ins frá útgerð­ar­fyr­ir­tæk­inu.

Á sínum tíma var Eyþór gagn­rýndur fyrir að útskýra ekki með grein­ar­góðum hætti hvernig stóð á því að hann eign­aðist hlut Sam­herja í Morg­un­blað­inu, án þess að greiða krónu fyr­ir­. Hann vís­aði því alfarið á bug að við­skiptin hafi verið per­sónu­leg gjöf frá Samherja til sín og full­yrti að hann hafi ætlað að hagn­ast á hluta­bréfa­kaup­unum.