Snorri vildi Þórdísi Kolbrúnu í hásæti Valhallar: „En Snorri þú ert svo vel tengdur konunni í þér“

Lista­mað­ur­inn Snorri Ásmunds­son segir að „mjög margir stuðn­ings­menn mínir hafa að und­an­förnu haft sam­band við mig og skorað á mig í for­manns­kjör. Fyrstu við­brögð mín voru að ég dæsti, því ég hef nóg annað að gera með tím­ann minn.“

Lista­maður með risa­stóru eLLi.

Þótt Snorri sé upp­tek­inn er hann ekki nei­kvæður og er meira fyrir já en nei:

„En áköf­ustu stuðn­ings­menn mínir í Sjálf­stæð­is­flokknum hafa sagt mér að flokk­ur­inn og þjóðin öll þurfi á mér að halda núna og að ég geti ekki hundsað það.“

Snorri vill þó konu frekar en karl í for­manns­stól­inn eft­ir­sótta, en Snorri er karl:

Þórdís Kolbrún Reyk­fjörð Gylfa­dóttir utan­rík­is­ráð­herra. Mynd/Hákon Davíð Björns­son

„Ég sagði þeim þá að það væri kom­inn tími á konu og að ég sæi Þórdísi Kolbrúnu fyrir mér sem for­mann, en þá sögðu þeir tveir nán­ast í kór:

„En Snorri þú ert svo vel tengdur kon­unni í þér.“

Ég sagði þeim að ég skildi liggja undir feld fram á þriðju­dag og léti þá vita af ákvörð­unni.

Virð­ing­ar­fyllst Snorri Ásmunds­son.“