Lísu rak í rogastans í Fríhöfninni: „Þetta er orðið bara einn stór brandari!“

Lísa nokkur varð aldeilis hissa þegar hún upp­götv­aði verð­mun­inn á vöru sem hana lang­aði í, ann­ars vegar í Frí­höfn­inni og hins vegar í Hagkaup. Átti hún greini­lega von á því að varan væri ódýr­ari hjá fyrr­nefndri versl­un­inni en svo reynd­ist alls ekki vera.

Lísa bendir á verð­mun­inn í fjöl­mennu sam­fé­lagi á Facebook, Vertu á verði – eft­ir­lit með verða­lagi. Þar birtir hún mynd sem sýnir verð­mun­inn og segir ein­fald­lega:

Þessa mynd birti Lísa eftir verð­könnun sína og þar kemur í ljós að snyrti­varan er ódýr­ari í Hagkaup en í Frí­höfn­inni.

Margir með­limir hóps­ins býsnast yfir verð­mun­inum sem Lísa bendir á og flestir þeirra hrauna yfir þjónstu Frí­hafn­ar­innar. Hildur er ein þeirra. „Rándýr búlla!,“ segir hún. Anna er líka hund­fúl. „Löngu hætt að versla hjá þeim!,“ segir Anna. 

Sigga líst illa á blik­una. „Það er eig­in­lega ekk­ert hægt að versla lengur þarna á betra verði. Þetta er orðið bara einn stór brand­ari,“ segir Siggi. En Egill veit hvað er til ráða. „Eina leiðin til að hafa áhrif á verð­lag í frí­höfnum er að versla ekki þar,“ segir hann.

Frí­höfnin rekur fjórar versl­anir með toll­frjálsan varn­ing í Flugstöð Leifs Eiríks­sonar sam­kvæmt rekstr­ar­leyf­is­samn­ingi við móð­ur­fé­lagið Isavia. Vörur Frí­hafn­ar­innar eru und­an­þegnar virð­is­auka­skatti og aðflutn­ings­gjöldum (tax and duty free), fyrir utan áfengi og tóbak. Þar sem Ísland er utan Evr­ópu­sam­bands­ins er heim­ilt að selja vörur á frí­hafn­ar­verði til allra far­þega sem fara um flug­völl­inn.

Berglind bendir hins vegar á að verðin í Frí­höfn­inu end­ur­spegli ekki und­an­þág­una á sköttum og gjöldum.  „Mark­aðs­setn­ingin í Frí­höfn­inni eins og hún leggur sig er núll. Ég skil ekki hvernig þeir halda að þeir græði á því að hafa verð jafnan hátt. Til langs tíma þýðir þetta ein­fald­lega að fólk leitar annað. Maður er alla­vega löngu hættur að treysta því að maður geti gert góð kaup þarna,“ segir Berglind.

Og Sesselja veit greini­lega hvað hún er að tala um. „Allt nammi og snyrti­vörur ódýr­ara í Hagkaup og Bónus. Þegar ég var að vinna þarna sagði ég alltaf túrist­unum að kaupa frekar nammi í Bónus því það væri ódýr­ara. Ég versla aldrei sjálf þarna þegar ég fer erlendis eða kem heim….“ segir Sesselja.

Viðbrögð Fríhafnarinnar

Mannlíf innti svara hjá Frí­höfn­inni vegna þess­arar kvört­unar en Þor­gerður Þrá­ins­dóttir fram­kvæmd­ar­stjóri Frí­hafn­ar­innar segir að verð­lagn­ingin hafi verið mis­tök, búið sé að setja rétt verð á vör­una.

„Við skoðun hjá Frí­höfn­inni kom í ljós að um mis­tök í verð­lagn­ingu er að ræða. Í sölu var áður 50 ml glas af Ma Vie ilmi og þegar gjafa­kass­inn kemur í sölu, fyrir stuttu síðan, er fyrir mis­tök litið svo á að sama vara væri í gjafa­kass­anum og hann verð­lagður í sam­ræmi við það.

Í þessum gjafa­kassa sem hér um ræðir er hins vegar 30 ml glas. Verðið hefur verið leið­rétt og er 7.999 kr.

Frí­höfnin þakkar fyrir ábend­ing­una. Þrátt fyrir að svona mis­tök séu sjald­gæf þá geta þau gerst því miður og eru leið­rétt um leið og þau upp­götvast.

Við hvetjum við­skipta­vini sem hafa keypt gjafa­kass­ann á röngu verði að hafa sam­band við okkur. Verðinu hefur einnig verið breytt á vef Frí­hafn­ar­innar, en það kemur ekki þar inn fyrr en í fyrra­málið. “