Lenya Rún Taha Karim, varaþingmaður Pírata fagnaði stórum tímamótum í gær.
Hin skelegga varaþingkona skrifaði færslu á Twitter í gær þar sem hún fagnaði útskrift úr um átta vikna innlagnarmeðferð við átröskun. Það gerði hún með góðri máltíð.
„Fagnaði útskrift úr rúmlega 8 vikna innlagnarmeðferð fyrir átröskun með því að fá mér máltíð sem mig hefur dreymt um svo lengi. Þakklát fyrir að vera búin með þennan kafla en fyrst og fremst þakklát fyrir að þurfa ekki að borða spítalamat lengur. Góðar stundir“
Mannlíf óskar Lenyu Rún innilega til lukku með áfangann!
Ef einstaklingar telja sig vera að glíma við átröskun geta þeir farið á heilsugæsluna eða til síns heimilislæknis og fengið tilvísun í átröskunarteymi Landspítalans sé metin þörf á því.
Athugasemdir