Ósvífið bankarán á Borgarfirði eystra: „Þjófurinn hefur líklega ekkert verið að stressa sig“

Óupplýst saka­mál á Íslandi eru mun fleiri en ætla mætti út frá smæð lands­ins og virð­ast banka­ræn­ingjar tróna þar á toppnum.

Eitt ósvífn­asta banka­rán Íslands­sög­unnar átti sér stað á Borg­ar­firði eystra versl­un­ar­manna­helg­ina árið 1991. Þá spark­aði maður upp hurð upp sem aðskildi fisk­vinnslu og útibú Lands­bank­ans í bænum. Að því loknu gaf þjóf­ur­inn sér góðan tíma í að brjóta upp 200 kílóa pen­inga­skáp og stal þaðan um milljón krónum, sem í dag eru um 3.5 millj­ónir. Á meðan að þjóf­ur­inn var að opna pen­inga­skáp­inn fór fram fjöl­menn skemmtun í næsta húsi.

Ránið er enn í dag óupp­lýst en það skók vissu­lega litla og þétt­ofna sam­fé­lagið á Borg­ar­firði eystra.

„Þjóf­ur­inn hefur lík­lega ekk­ert verið að stressa sig því hann braut upp um 200 kílóa pen­inga­skáp og það hefur tekið hann góða stund,“ segir Helga Arn­ar­dóttir, umsjón­ar­maður þátt­anna á stöð 2, Óupplýst lög­reglu­mál.

„Það sem gerir þetta mál svo­lítið sér­stakt er að mikil skemmtun var í gangi nokkur hund­ruð metrum frá, fyrir utan félags­heim­ilis Fjarð­ar­borg en engin vitni voru að inn­brot­inu. Borg­ar­fjörður eystra er lítið sam­fé­lag og það er aðeins ein leið út úr bænum. Það er því með ólík­indum að þjóf­ur­inn hafi kom­ist upp með þetta,“ segir Helga í þætt­inum.

Sagt var frá rán­inu í Tímanum á sínum tíma:

Bankarán í Borg­ar­firði eystra um helg­ina: 

Milljón stolið

Bankarán var framið í Borg­ar­firði eystra um helg­ina, þegar brot­ist var inn í Lands­bank­ann á staðnum og þaðan stolið um einni milljón í pen­ingum. Þjófarnir fóru í gegnum fisk­vinnslu­hús, sem stendur við banka­úti­búið. Hurðir í fisk­vinnslu­hús­inu voru ólæstar, en þjófarnir brutu upp hurð til að kom­ast inn í sjálfa afgreiðslu banka­úti­bús­ins. Pen­inga­skápur, sem fjár­mun­irnir voru í, hafði verið brot­inn upp með ein­hvers konar egg­járnum, en ávís­ana­heftum og ýmsum papp­írum, sem hugs­an­lega hefði mátt koma í verð, var ekki stolið. Málið er enn í rann­sókn. Inn­brotið upp­götv­að­ist klukkan sjö sl. sunnu­dags­kvöld, þegar afgreiðslu­stjóri úti­bús­ins átti af til­viljun erindi í bank­ann. Talið er að bankaránið hafi verið framið ein­hvern tím­ann um helg­ina.