Björn spyr Stefán: „Á almennt að semja við launþega með sérstöku tilliti til þess hvar þeir búa?“

Björn Birg­is­son spyr Stefán Ólafsson fyrr­ver­andi pró­fessor spurn­inga varð­andi kjara­samn­ings­mál.

Sam­fé­lags­rýn­ir­inn frá Grinda­vík, Björn Birg­is­son skrifar vin­sælar færslur á Facebook-síðu sinni sem oftar en ekki hitta naglann á höf­uðið að margra mati. Í nýlegri færslu veltir hann fyrir sér kröfum Eflingar í kjara­samn­ings­við­ræðum sínum við Samtök atvinnu­lífs­ins en þær kröfur byggja meðal ann­ars á ráð­legg­ingum Stefáns Ólafs­sonar fyrrum pró­fess­ors Háskóla Íslands. Þeim ráð­legg­ingum er Björn ósam­mála og spyr pró­fess­or­inn fyrr­ver­andi nokk­urra spurn­inga. Færsluna má lesa í heild sinni hér fyrir neðan.

„Starfs­heiður.

Þeir sem titla sig sem fræði­menn á ein­hverjum sviðum þurfa að sýna og sanna að það sé með réttu gert.

Hvernig?

Með fræði­legri hlut­lausri umfjöllun um mál­efni á þeirra sér­sviði og með álykt­ana- og til­lögu­gerð sem stenst alla skoðun og reyn­ist vera rök­rétt en ekki ein­hverjir hug­ar­órar til að friða þá sem greiða við­kom­andi launin.

Alvöru fræði­menn láta ekki frá sér pant­aðar nið­ur­stöður eða sér­hann­aðar tæki­fær­is­nið­ur­stöður.

Efling stendur í ströngu og er að margra mati búin að mála sig illi­lega út í horn með afleið­ingum sem eng­inn veit hverjar verða, en margir ótt­ast hið versta.

Ástæðan?

Forusta Eflingar byggir afstöðu sína meðal ann­ars á útreikn­ingum og ráð­legg­ingum Stefáns Ólafs­sonar, fyrr­ver­andi pró­fesors við Háskóla Íslands, um að Efl­ing­ar­fólki beri hærri laun fyrir sömu vinnu vegna meiri kostn­aðar við búsetu í Reykja­vík en úti á landi.

Þá útreikn­inga dregur lands­byggð­ar­fólk reyndar mjög í efa og undr­ast nið­ur­stöð­urnar.

Ef nið­ur­stöður og ráð­legg­ingar Stefáns Ólafs­sonar hvað þetta varðar eru rök­réttar og jafn­vel for­dæm­is­gef­andi í víð­ara sam­hengi þarf hann að geta svarað eft­ir­far­andi spurn­ingum:

* Á almennt að semja við laun­þega með sér­stöku til­liti til þess hvar þeir búa, eða gildir það ein­göngu fyrir félaga í Eflingu?

* Á hið opin­bera, ríki og sveit­ar­fé­lög, að semja við kenn­ara og aðra starfs­menn með allt öðrum hætti í Reykja­vík en á öðrum stöðum á land­inu?

* Eiga þá háskóla­kenn­arar við Háskóla Íslands í Reykja­vík að vera á hærri launum en kollegar þeirra við Háskól­ann á Akureyri ein­göngu vegna búset­unnar og hærri fram­færslu­kostn­aðar í höf­uð­borg­inni?

* Á meg­in­þema varð­andi kjara­samn­inga­gerð að vera tengt búsetu, sér­samn­ingar fyrir Reykja­vík og síðan samið um eitt­hvað allt annað fyrir íbúa ann­ars staðar á land­inu?“