Hannesi gert að láta af störfum: „Það er fagnaðarefni“

Hannes Hólm­steinn Giss­ur­ar­son, pró­fessor við Háskóla Íslands, óskar sjálfum sér til ham­ingju með afmælið í pistli sem birt­ist í Morg­un­blað­inu í dag. Hannes verður á morgun sjö­tugur.

Hann skrifar: „Það er fagn­að­ar­efni, að ég skuli verða sjö­tugur 19. febr­úar 2023. Hitt væri óneit­an­lega miklu verra, að verða ekki sjö­tugur.“

Hannes harmar þó að þessu fylgi starfs­lok hans hjá Háskóla Íslands. „Við mælum það í dögum, þeim tíma, sem það tekur jörð­ina að þeys­ast í kringum sól­ina. Nú er ég einn af þeim jarð­ar­búum, sem eru að fara í sjö­tugu­asta sinn síð­ar­nefndu hring­ferð­ina. Það er ef til vill ekki merki­legt fyrir annað en það, að við þau tíma­mót er okkur opin­berum starfs­mönnum á Íslandi gert að láta af störfum,“ skrifar Hannes.

Hann kveður þó sáttur og seg­ist hafa lagt sitt lóð á vog­ar­skál­arnar fyrir betri heimi. „Aðal­at­riðið er þó ekki lengd ævinnar, heldur notkun tím­ans, hversu margir dagar hafa ekki farið til spillis, heldur nýst í sköpun, skemmtun og bar­áttu fyrir betri heimi og þess vegna skilið eftir sig merki­legar minn­ingar.“