Þrír skotmenn handteknir í kjallaraíbúð á Sogavegi – Lögregla lagði hald á riffla og haglabyssur

Í bak­sýn­is­spegl­inum í dag rifjum við upp und­ar­legt atvik sem átti sér stað á Sogavegi þann 29. ágúst 1989. DV fjall­aði um málið en þennan morgun tóku þrír menn upp á því að skjóta úr byssum út um glugga húss sem stóð við Sogaveg. Í frétt DV segir: „Lög­reglan í Reykja­vík hand­tók í morgun þrjá vopn­aða menn. Menn­irnir höfðu skotið úr byssum út um glugga kjall­ara­í­búðar við Sogaveg. Talið er að skotin hafi farið yfir Sogaveg og ekki er vitað hvar þau höfn­uðu.“

Atvikið átti sér stað klukkan rúm­lega níu um morg­un­inn og var lög­reglu strax gert við­vart.
„Soga­veg­inum og aðliggj­andi götum var lokað og fólki í nær­liggj­andi húsum var skipað að halda sig inn­an­dyra. Lög­reglu­menn í skot­heldum vestum umkringdu húsið. Tæpri klukku­stund eftir að lög­regla kom á vett­vang var ráð­ist til inn­göngu og menn­irnir hand­teknir.“ Við hús­leit kom í ljós byssur sem menn­irnir höfðu að öllum lík­indum notað og voru vopnin hald­lögð í kjöl­farið. Sem betur fer slas­að­ist eng­inn.

„Í íbúð­inni fund­ust bæði hagla­byssur og rifflar. Rannsókn máls­ins er á algjöru byrj­un­ar­stigi og ekki er vitað hvað mönn­unum gekk til. Talið er víst að eng­inn hafi skað­ast vegna byssu­skot­anna. Það var fjöl­mennt lið lög­reglu­manna sem var við aðgerð­irnar í morgun.“

Þá kemur fram að Vík­inga­sveit lög­regl­unnar hafi ekki verið kölluð út vegna máls­ins en lög­reglu­menn unnu gott starf og voru fljótir að bregð­ast við. „Þegar DV fór í prentun var ekki farið að yfir­heyra menn­ina og ekki vitað hvort þeir voru ölv­aðir eða undir áhrifum ein­hverra lyfja.“