Þetta var það helsta úr dagbók lögreglunnar.
Lögreglustöð 1
Tilkynnt um eignaspjöll við grunnskóla í hverfi 107.
Tilkynnt um eignaspjöll utan á íbúðarhúsnæði í hverfi 107 en á það hafði verið skvett rauðum matarlit.
Tilkynnt um aðila sem svaf ölvunarsvefni utandyra. Hann vakinn og gekk sína leið.
Tilkynnt um vopnað rán en þar ógnaði aðili vegfaranda með hníf og krafði hann um fjármuni. Málið í rannsókn.
Tilkynnt um ofurölvi aðila á veitingastað í hverfi 101. Honum ekið til síns heima.
Ökumanni bifreiðar gefin merki um að stöðva bifreið sína sem hann sinnti ekki og ók hann gegn rauðu umferðarljósi. Stöðvaði hann svo bifreið sína og reyndi að komast undan lögreglu á hlaupum en náðist stuttu síðar. Er ökumaður grunaður um akstur bifreiðarinnar undir áhrifum áfengis og/eða annarra vímuefna og gistir fangageymslur þar til unnt er að ræða við hann.
Tilkynnt um ofurölvi aðila á skemmtistað í hverfi 101. Honum ekið til síns heima.
Aðili handtekinn grunaður um líkamsárás í hverfi 101.
Þónokkrir ökumenn stöðvaðir grunaðir um akstur undir áhrifum áfengis og eða annarra vímuefna.
Lögreglustöð 2
Ökumaður bifreiðar stöðvaður fyrir of hraðan akstur 113/50 km/klst. Ökumaður auk þess grunaður um akstur undir áhrifum áfengis.
Ökumaður bifreiðar stöðvaður grunaður um akstur undir áhrifum vímuefna. Reyndist auk þess án ökuréttinda.
Tilkynnt um umferðaróhapp þar sem bifreið var ekið á nokkrar bifreiðar. Tjónvaldur grunaður um akstur undir áhrifum áfengis og/eða vímuefna og gistir fangageymslur lögreglu þar til af honum rennur víman.
Tveir ökumenn stöðvaðir grunaðir um akstur undir áhrifum áfengis. Hefðbundið ferli hjá lögreglu.
Lögreglustöð 3
Ökumaður bifreiðar stöðvaður grunaður um akstur undir áhrifum áfengis og vímuefna. Hefðbundið ferli hjá lögreglu.
Afskipti höfð af ökumanni sem ók á móti umferð í hverfi 109. Ökumaður reyndist vera 16 ára og málið unnið í samráði við foreldra og barnaverndaryfirvöld.
Nokkrum verkefnum sinnt þar sem kvartað var undan samkvæmishávaða í íbúðarhúsnæðum.
Athugasemdir