Egill og Kristján semja um vopnahlé: „Egill er ágætur, litríkur og skeleggur maður“

Egill Helgason hefur beðið Kristján Hreins­son afsök­unar á sínum þætti í pist­la­mál­inu sem upp kom um dag­inn. Skáldið fyr­ir­gefur honum fús­lega og birtir vísu af til­efn­inu.

Í morgun skrif­aði Skerja­fjarða­skáldið Kristján Hreins­son færslu á Facebook sem hann kallar Orðræða í öng­stræti. Þar segir hann að Egill Helgason hafi beðið hann afsök­unar eftir að Kristján skrif­aði færslu á Facebook þar sem hann tal­aði um þá til­gátu sína að umræðan væri á villi­götum sem sann­að­ist smátt og smátt. Tók hann ummæli Egils sem dæmi í færsl­unni þar sem hann segir Egil hafa verið að reyna að verja hann en hafi notað óheppi­legt orða­lag og gert lítið úr honum sem skáldi.

Kristján seg­ist hafa nú eytt færsl­unni því honum hafi þótt ómak­lega að Agli vegið. Af til­efn­inu birti skáldið vísu sem hann orti til Egils.

Færsluna má lesa hér að neðan:

„ORÐRÆÐA Í ÖNGSTRÆTI

Í gær gerði ég mér það að leik að sýna enn og aftur að til­gáta mín um umræðu á villi­götum er smátt og smátt að sanna sig sjálf. Ég tók sem dæmi ummæli Egils Helga­sonar, þar sem hann var reyndar að reyna að verja mig en not­aði óheppi­legt orða­lag og gerði reyndar lítið úr mér sem skáldi. Nú hef ég eytt þeirri færslu, fyrst og fremst vegna þess að ómak­lega var að Agli vegið. Ég ýtti af stað umræð­unni með því að draga fram það sem sjá má sem niðr­andi ummæli. Það sem síðan gerð­ist fór langt yfir strik vel­sæmis. Egill er ágætur, lit­ríkur og skel­eggur maður, jafn­vel þótt hann vilji meina að ég sé ekk­ert merki­legt skáld.Hér hefur það gerst að Egill Helgason hefur beðist afsök­unar og ég fyr­ir­gef honum fús­lega. Um afsök­un­ar­beiðn­ina orti ég vísu til Egils:Þín beiðni virkjar vopna­hléog veldur engum tregaen þótt hún rýr í roði séhún reyn­ist ágæt­lega.“