Hjólar í bankastjórann: „Þegar hrokinn og heimskan haldast í hendur“

Björn Birg­is­son er síður en svo sáttu við Birnu Ein­ars­dóttur banka­stjóra Íslands­banka, líkt og sjá má í Facebook-færslu hans.

Færslur Björns á Facebook vekja oftar en ekki athygli enda segir hann oft það sem almenn­ingur hugsar og það tæputungu­laust en þó eru ekki alltaf allir sam­mála honum, eins og gengur og ger­ist.

Í nýju færsl­unni, sem er óvenju harð­orð, jafn­vel fyrir sam­fé­lags­rýn­inn frá Grinda­vík, hneiksl­ast Björn á við­brögðum Birnu eftir að skýrsla Fjár­mála­eft­ir­lits­ins leit dags­ins ljós í gær. Sagðist hún njóta trausts og að hún ætl­aði að sitja sem fast­ast. Björn spyr hvað hún þurfi að „tapa miklum fjár­munum vegna snið­göngu laga og reglna til að vera hrein­lega rekin“. Hún sagð­ist einnig draga lær­dóm af mál­inu en Björn er ekki sann­færður. „Hún var banka­stjóri í hrun­inu mikla haustið 2008. Hvað lærði hún af því? Aug­ljós­lega ekki neitt.“
Þá veltir hann fyrir sér hvort hún sé „illa gef­inn sið­leys­ingi“ eða að hún telji almenn­ing allan undir með­al­greind.

Færsluna má lesa hér að neðan:

„Þegar hrok­inn og heimskan hald­ast í hendur

***********Það er athygl­is­vert að stjórn­andi fyr­ir­tækis sem þarf að greiða um 1200 millj­ónir – ígildi árs­launa 200 launa­manna með 500 þús­und í laun á mán­uði – í sekt vegna við­ur­kenndra brota á lögum og reglum hefur ekki íhugað að segja af sér heldur segir bara:**********„Ég nýt trausts innan stjórnar bank­ans og mun gegna starfi mínu áfram.“Er það svo?Hvað þarf banka­stjór­inn, Birna Ein­ars­dóttir, að tapa miklum fjár­munum vegna snið­göngu laga og reglna til að vera hrein­lega rekin úr einu mesta hálauna­starfi lands­ins?Almenn­ingur á enn meiri­hlut­ann í Íslands­banka og það er alveg pott­þétt að sá almenn­ingur vill ekki sjá þessa hroka­fullu konu sem banka­stjóra deg­inum lengur.Birna seg­ist ætla að læra af þessum mis­tökum og lög­brotum.Aha!Hún var banka­stjóri í hrun­inu mikla haustið 2008.Hvað lærði hún af því?Aug­ljós­lega ekki neitt.Yfir­lýs­ingar Birnu Ein­ars­dóttur um þetta skíta­mál benda ein­dregið til þess að hún sé annað hvort frekar illa gef­inn sið­leys­ingi – eða að hún álíti að almenn­ingur í land­inu sé allur langt undir með­al­greind og því hægt að bjóða honum hvað sem er.Nema hvort tveggja sé.“